Iobi 8:8 - Te B'aib'ara

⁸ Tanrikaaki teutana n tarai aia taeka n rabakau ake rimoa, ao karaua ni iangoi koaua ake a tia n atai ara ikawai.

Iobi 8:8 Iomraidhean Croise

2.Rongorongo 10:6

Ao e nako Reoboam ni kawariia taani kairiiri ngkoa ake ana mataniwi aika rietaata tamana, ao titirakiniia ni kaangai, “Tera ae n na taekinna nakoia aomata aikai?”

Iobi 12:12

ao ti karekei rabakaura teutana mairouia aomata aika b'akanako aia ririki,

Iobi 13:1

I a tia n ongo mai m'aaina b'aai ni kabane akana kam taekini.

Iobi 15:10

Ti karekei rabakaura mai rouia aomata aika iaia atuuia, koraki ake a kamani bungiaki i m'aain tamam.

Iobi 15:18

rabakau ake ataaki mairouia tabeman n taai ake ngkoa.

Iobi 20:4

Ko bon ataia b'a n taai ake ngkoa ngke E moan karika te aomata te Atua i aonnaba,

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Ioera 1:2

Kakauongo, ngkami aika taani kairiiri ao aomata nako aika i nanon te aba. Iai te b'ai ae e a tia n riki ae aron aei mai m'aaina?

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

1.I-Korinto 10:11

A bane n roko baikekei i rouia b'a b'aai n reirei i bukira, ao a riki i bukin reireiara, ngaira aika ti maiu n te tai ae a kaan ma te toki.

Te Tua-Kaua 32:7

Kam na iangoi roro ake ngkoa. Titirakiniia ami karo ke ami kara. Ao ane a na tuangkami

Te Tua-Kaua 4:32

Kam bon noora aron te UEA ae Atuami ni buaka i bukimi ma ni kaota m'aakana ae korakora, ma ni karaoi taiani kakai aika ab'ab'aki ma ni kakamaaku ngke E kaotinakoingkami mai Aikubita. Kam a riki b'a A na aomata, ao kam ongo b'anaana ngke E taetae nakoimi mai buakon te ai man te Maunga are Tinai. Ao kam boni maiu naba. E a tia n riki te aekaki aei man te tai are E karika iai te aomata te UEA ni karokoa te tai aei? E ngae ngkana kam nakea, ke kam titirakina antai, ma kam na bon karekea naba te kaeka ae ti te bo. Bon akea te atua ae a tia n ongo te aba taekana b'a e kataia ni karaoi b'aai aika ai aron are a tia te UEA ae Atuami ni karaoi.