Iobi 8:6 - Te B'aib'ara

⁶ Ngkana ko taku b'a ko raoiroi ma ni kokoaua, ao E na roko te Atua ni buokiko ma ni manga anganiko kaain am auti n aron are mai m'aina b'a kaniwangam.

Iobi 8:6 Iomraidhean Croise

Iobi 1:8

Ao E a manga taku te Atua, “Ao ko nonora Au aomata are Iobi? Bon akea te aomata temanna n te aonnaba ae kakaonimaki man raoiroi riki nako ina. E tataromauriai, ao e kabanea korakora b'a e na aki karaoa te m'akuri ae buakaka teutana.”

Iobi 11:14

Kanakoa te bure ma te buakaka man am auti.

Iobi 16:17

E ngae ngke bon akea te b'ai ae buakaka ae I a tia ni karaoia, ao a itiaki au tataro.

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Iobi 5:24

Ao i mwiina, ko na maiu ma te rau i nanon am auti n rianna, ao ngkana ko taraia am tiibu, ao ko na nooria b'a a na mano man taian kangaanga.

Taian Areru 18:25

Ko kakoroi bukin am Taeka nakoia akana kakaonimaki nakoim; ao nakoia akana moan te raoiroi b'a moan te raoiroi naba Ngkoe.

Taian Areru 44:23

Te UEA, Ko na uti! E aera ngkai Ko matu? Tei rake! Tai ribaira n aki toki!

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 3:33

E kab'aka te karereanti i aon mwengaia aomata nako aika a buakaka, ma e kakab'aiai mwengaia aomata ni kabane aika a raoiroi.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.