Iobi 8:3 - Te B'aib'ara

³ E bon aki kona ni minota te eti te Atua; E aki kona ni b'aka man karaoan te raoiroi.

Iobi 8:3 Iomraidhean Croise

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Iobi 19:6

Kam aki ataia b'a bon te Atua ae karaoa aei? E a tia ni katauraoa te kai ni kab'aru i bukin kam'aneau.

Iobi 19:7

Nooria, I totokoa aron ana kamwengabuaka, ao bon akea ae kakauongo; akea ae ongo tangiu i bukin te eti.

Iobi 21:15

A taku n aia iango b'a akea uaan te beku i bukin te Atua, ao te tataro nako Ina.

Iobi 21:20

Ana riai ni bon oreaki taani bure i bukin aia bure; a bon riai n namakina unin te Atua ae m'aaka.

Iobi 34:5

E kamatoa Iobi n taekinna b'a tiaki te tia bure ngaia, ma e bon rawa te Atua ni karaoa te motikitaeka ae eti nako ina.

Iobi 35:13

Bon akea uaan tangiia, E bon aki nooriia, ke n ongo b'anaaia te Atua ae m'aaka.

Iobi 36:23

Bon akea temanna ae kona n tuangnga Ana m'akuri, ke ni bukinna ni karaoan te buakaka.

Iobi 36:3

E raababa au atatai, ao N na kamanena te b'ai ae I ataia ni katereterea te Atua ae au Tia karikib'ai b'a E bon eti.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 4:17

“Akea te aomata ae kona ni kororaoi i matan te Atua, ke ni itiaki i matan te Tia Karikia.

Iobi 40:8

Ko kataia ni kakaea te koaua b'a I kakaraoa ae aki eti ko taekinai b'a I kaairua, ao ngkoe ko eti?

Iobi 9:2

Eng, I a kaman ongo b'aai ni kabane akanne mai m'aaina. Ma e na kanga n tokanikai te aomata ngkana e kaitaraa ma te Atua?

Taian Areru 89:14

Ko katea ueam i aon te eti ma te motikitaeka ae e raoiroi; E ri moam te tangira ma te kakaonimaki b'a kanga taan ua-rongorongo i bukim.

Taian Areru 99:4

Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Etekiera 18:25

Ngkami aika Iteraera kam bukinai b'a e aki eti ae I karaoia! Ma kam ongora, tiaki ngai ae I karaoa ae aki eti ma boni ngkami!

Etekiera 33:17

Etekiera, a bukinai am aomata b'a e aki eti ae I karaoia. Ma bon ngaiia aika a karaoa ae e aki eti.

Etekiera 33:20

Ma a bon teimatoa naba n taku Iteraera b'a e aki eti ae I karaoia. Ma ngaia ae ko na kauringiia b'a a na bon katuaaeaki i bukin te b'ai ae a tia ni karaoia.

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”