Iobi 7:21 - Te B'aib'ara

²¹ Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Iobi 7:21 Iomraidhean Croise

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

Iobi 10:14

Ao Ko tataraai b'a Ko taku b'a n na bure, b'a Ko aonga n aki kab'ara au bure.

Iobi 10:9

Uringnga b'a Ko bon karaoai man te bokaboka, ao Ko nang manga urua rab'atau ni kaokia nakon te tano?

Iobi 13:19

Ko na tauraoi ni kaaitaraai n te kabowi, te Atua?” b'a ngkana Ngkoe, ao I tauraoi n aki taetae ao ni mate.

Iobi 14:10

Ma ana bane ni mate aomata, ao bon anne tokiia; a mate, ao a manga ngaa ngkanne?

Iobi 17:14

N na atonga te ruanimate b'a tamau, ao N na atongi ino ake a na kana rab'atau b'a tinau ao m'aneu.

Iobi 20:8

E na bua n ai aron te mii, kaanga te mii ae kakamaaku n te tairiki, ao e na aki manga oki n nooraki.

Iobi 27:19

Ao n te kabanea n tai, e na wene ma kaub'aina i aon ana kainiwene, ao e na uti, ao e na kunea b'a a mauna nako kaub'aina.

Iobi 3:13

Ngke tao arona b'a I a kaman mate, ao N na bon rau raoi n te tai aei,

Iobi 33:9

“I aki bure; I tuai karaoa te b'ai ae bure. Bon tiaki te tia bure ngai, ao bon akea te bure i Rou.

Iobi 7:8

Ko noorai ngkai ma ko na aki manga noorai riki. Ngkana ko kakaaeai, ao ana akea Ngai.

Iobi 8:1

E taku Biretata,

Iobi 9:28

ao a manga okiokirai rawawatau ni kakamaakai. I ataia b'a E taumatoaai naba te Atua b'a te tia bure.

Taian Areru 103:15

Ngaira aika aomata, kanga ai aron te uteute. Ti rikirake ni maiu raoi kanga ai aron te uee:

Taian Areru 37:36

Ma i mwina, ngke I rikekei, ao akea iai; I kakaaea, ma e aki reke.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.