Iobi 7:1 - Te B'aib'ara

¹ Ti te bo maiun te aomata ma te m'akuri n tautia; kaanga ai aron te kam'akuri ae matoatoa ae karaoia te aomata ni bon rab'atana.

Iobi 7:1 Iomraidhean Croise

Iobi 10:17

Ko aki toki ni karerekei taiani b'ai ni kakoaua i bukin kaaitaraakiu. E rikirake man rikirake unim i rou, ao Ko aki toki ni babaairea aron buakanakiu.

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 5:7

E bon aki! E bon karika te kangaanga te aomata i bon i rouna, kaanga ai aron te m'aakaro n ai ae e kibanako mai nanon te ai.

Iobi 7:2

Kaanga te aro ae rangi ni kainanoa aan te nu ae m'aitoro; kaanga te tia m'akuri ae tataninga anganakin boona.

Taian Areru 39:4

“Te Uea, kaoti nako iu m'aitin au bongi ni maiu; N ningai ae n na mate iai? ao kaotia naba nako iu b'a e na kanga tokin maiu.”

Te Minita 8:8

Ti aki konaa n tautaekana te ang ke ni baairea ara bong ni mate. Bon akea ae e konaa ni biri nako mani boong ni buaka, ao akea naba ae e konaa ni karabaa i akuun te buakaka.

Itaia 16:14

Ao e taku ngkai, “E raoiroi ae ti tenua te ririki maanin aia tai taani m'akuri ake a kabooaki, ma e na bon aki maan riki nakon anne mimitongin ma kakannaton Moaaba. A na ti tabeman aomatana n tiku ni maiu, ma a na tiku n akea aroia.”

Itaia 21:16

E taku te UEA nako iu: A nang toki mimitongiia kaain Keta man te ririki aei, kaanga aron banen ana tai te tia m'akuri i mwiin teuana te ririki.

Itaia 38:5

i bukin Etekia ae e kaangai: Bon te UEA Ngai ae te Atua, ae I taataromauriaki iroun am bakatibu are Tawita, I a tia n ongo am tataro, ao I nooriko ngke ko tang. N na kamaiuko riki i nanon tebwi ma nimaua te ririki,

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Nakoaia Ibonga 25:50

E riai ni kaaitibooa ma te aomata are e kabooia ngkoa, ao a na wareki ririki ake e moani kabooaki iai, ao ni bairea raoi naba booia iai ni kaineti ma m'aitin te ririki are i m'ain Ririkin te Iubire are e na roko.

Te Tua-Kaua 15:18

Kam na aki ngurengure ngkana kam kainaomata te toro. B'a kam a tia ni kabanea onoua te ririki ni kam'akuria n iteran boon te aomata ae kabooaki.