Iobi 5:5 - Te B'aib'ara

⁵ A na kanaki uaan arokaia aomata aika nanobaba irouia aomata aika bora ni baki a na kang naba taian uaani kai aika uangingi i buakon kateketeke ao aika borantaka ana mataiakina kaub'aina.

Iobi 5:5 Iomraidhean Croise

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Iobi 1:15

ao a karina naba n roko I-Teba ni buakaniira ma n anai taiani kao ma aati ni kabane. A tiringiia am taani m'akuri ni kabane, ao bon ti ngai nikiraia. Bon ti ngai are I biri nako b'a N na tuangko.

Iobi 1:17

Ao i m'aiin banen ana taeka, ao e a manga roko te tia m'akuri are temanna ao e taku, “Tenikoraki aia koraki taian I-Kareria ake a roko ni buakaniira ma n uoti nako taiani kamero, ao a tiringiia am taani m'akuri ni kabane, ao bon ti ngai nikiraia. Bon ti ngai are I a biri nako b'a N na tuangko.”

Iobi 12:6

A maiu ma te rau taani kimoa, ma aomata naba aika akea te b'ai ae a onimakinna, e ngae ngke a tia n atuani korakoraia.

Iobi 2:3

Ao e taku te UEA, “Tera am iango iroun au toro are Iobi? Bon akea temanna i aon te aba ae kakaonimaki ma n raoiroi riki nako ina. E tataromauriai, ao e kabanea korakorana n aki kakaraoa te m'akuri ae buakaka. Ko a tia ni imanonoai b'a N na kariaia b'a ko na kataia n akea bukina, ma e bon teimatoa naba Iobi n arona ni kakaonimaki.”

Iobi 20:15

Ma E na karekea te anga te Atua are a na bua iai taiani kaub'ai ake e kimoai.

Iobi 20:22

Ane a na manga rabunna ana b'aikoraki, ao ane e na taonaki n taian karawawata.

Iobi 22:10

Ao ngkai a otab'aniniiko taian rua, ao ane ko na onrake n te maaku n te tai ae waekoa.

Taian Areru 109:11

A bia anaaki ana b'ai ni kabane iroun ane iai baena i rouna; Ao a bia anaaki uaan ana m'akuri irouia iruwa.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Ieremia 51:34

Ane a na kaangai kaain Ierutarem, “E kabuai nanora te Uea ae Nebukaneta E kaonna te manikaakang are iroura ma kaub'aira, ao e katikuira n akea ara b'ai e kab'auta te b'ai are e tangiria ao e baawarea nako nikirana.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

B'aeb'aeti 2:16

A bane ni kakanikoko am kairiribai ma n taraiko ma te mata n riribai. A kangengei wiia ni kaenaenako ni kangai, “Ti a tia n ekinakoia! “Bon aio te bong are ti a ngae n tataningaia!”

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:51

A na anai ami kao, tiibu, kooti, uita, wain, ao b'aan te oriwa, ao ma ni katikuingkami b'a kam na mate ni baki.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.