Iobi 42:8 - Te B'aib'ara

⁸ Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Iobi 42:8 Iomraidhean Croise

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

1.Rongorongo 15:26

Ao te Atua e anganiia kanoan Rewi korakoraia ae a tangiria i bukin uotakin te ati, ma ngaia are, a anga itiman taiani kaom'aane ao itiman tiibu m'aane.

2.Rongorongo 29:21

A uoti itiman taiani kao, taian tiibu m'aane itiman, itiman taian tiibu teteei, ao itiman taiani kooti b'a taian karea i bukin kab'araan aia bure ana utu Etekia ao kaain Iuta, ao bon kaitiakan naba te Tembora. E tuangiia ibonga Etekia ake ana kariki Aaron, b'a a na karea taian man aikai i aon te baonikarea.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Iobi 1:8

Ao E a manga taku te Atua, “Ao ko nonora Au aomata are Iobi? Bon akea te aomata temanna n te aonnaba ae kakaonimaki man raoiroi riki nako ina. E tataromauriai, ao e kabanea korakora b'a e na aki karaoa te m'akuri ae buakaka teutana.”

Iobi 22:30

E na boni kamaiuko ngkana akea am bure, ngkana e bon eti te b'ai ae ko karaoia.

Iobi 35:8

E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

Iobi 42:9

Ao Eribati, Biretata, ao Toob'a, a karaoa te b'ai are E tuangiia te UEA, ao E kaeka ana tataro Iobi te UEA.

Taian Areru 103:10

E aki kareke kaira n ai aron ae bon riai n reke nakoira, Ao E kaboi mwin ara bure ma ara kairua n tiaki booia ni koaua.

Te Otinako 18:12

Ao i mwiin arei, ao Ietero e a uota te karea ae b'anin ao karea riki tabeua n anga nakon te Atua: ao a bane n iria Aaron ma taani kairiia Iteraera b'a a na kana te iriko ae tabu arei ni bon aron aia taromauri.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Ieremia 14:11

E taku te UEA, “Ieremia, ko na aki buubutiai b'a N na buokiia aomata aikai.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Etekiera 14:14

E ngae ngkana a maiu Nooa, Taniera, ao Iobi i buakoia te botannaomata, ma e na bon aki kamaiuaki naba temanna n aia kakaonimaki ma bon ti ngaiia.

Etekiera 45:23

E na uouoti itiman taian kao ao itiman taian tiibu m'aane b'a te karea are kakukureiau ni kabanea bongin te Toa, ao ai uana naba ma karea i bukin te bure. A na riai maan aikai n akea toabuakan rab'ataia.

Warekaia Iteraera 23:1

Ao e taku B'araam nakon B'araka, “Karaoi itiua baonikarea ikai, ao uotimai nako iu, itiman kao mm'aane, ao itiman tiibu mm'aane.”

Warekaia Iteraera 23:14

Ma ngaia are, e kaira B'araam nakon te katawanang ae mena i taubukin te maunga are Bitika ike a mena iai taabo n taratara nako. Ao i mwiina, e katei itiua baonikarea, ao e kareani taian kao mm'aane, ma tiibu mm'aane i aon baonikarea n tatabeua nako.

Warekaia Iteraera 23:29

Ao e taku B'araam, “Karaoi itiua baonikarea ikai, ao uotimai nako iu itiman kaomm'aane, ao itiman naba tiibu mm'aane.”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Ebera 10:4

B'a a bon aki kona ni kamaunaki buure n raraaia kao mm'aane ma kooti.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Iakobo 5:14

E aoraki temanna i buakomi? Ke e weteia unimm'aanen te ekaretia; ao a na tataro i aona, ao a na kabiria n te b'a n aran te Uea.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

1.Ioane 5:6

Boni Ngaia Teuare nako mai n te raraa ma te ran, are Iesu Kristo. E nako mai, tiaki ti n te ran; ma n te ran ao n te raraa. Ao te Tamnei boni Ngaia te tia kaotiota koauan te baei; b'a te Tamnei bon te koaua.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 25:35

Ao i mwiin arei, e kukurei Tawita ni butim'aai b'aai ake e uoti neierei nakoina ao e taku nakoina, “Naako okira mwengam ao tai raraoma. N na karaoa ane ko tangiria.”