Iobi 30:1 - Te B'aib'ara

¹ Ma a b'ainingareai m'aane aika a uarereke riki nako Iu! A teimatoa ngkoa tamaia n akea bonganaia n te aro are I aki kona ni kariaia b'a a na raoniia au kamea ni kaawakiniia tiibu.

Iobi 30:1 Iomraidhean Croise

2.Uea 2:23

E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

Iobi 12:4

A ngareakinai naba n arou aei uaake bon raoraou; e ngae ngke I eti raoi n akea te b'ai ae I reke ni bukinaki iai. Bon iai ngkoa te tai ae kaekaekai iai au tataro te Atua.

Iobi 30:2

Bon te koraki n aomata ngaiia aika akea manenaia, a rangi ni mamaara ni karaoa te m'akuri teuana i buku.

Taian Areru 119:51

A aki toki ni kaenaenaai akana kainikatonga, Ma I kakaonimaki n iri nanon am Tua.

Taian Areru 69:12

A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Mareko 14:65

Iai tabem'aang ake a bawareia, ao a rabuna ubuna, ao a oreia ni baiia, ao a taku nako Ina, “Kaotia b'a antai ae oroiko!” Ao bureitiman a oreia n aki akaaka.

Ruka 23:14

ao e taku nako ia, “Kam a uota mai nako iu te Aomata aei, b'a kanga temanna ae kakiriwei nanoia aomata; ao noria, I a tia n kekera arona i matami, ao I aki kunea buren te Aomata aei ni baike kam bukinna iai;

Ruka 23:18

Ao a bane n takaarua ni kangai, “Kamatea Teuaei! Ao ti tangira B'arab'a b'a e na kainaomataki!”

Ruka 23:35

Ao a tei aomata ni mataku; ao aia mataniwi I-Iutaia a kakanikoa Iesu, ao a kangai, “E Kamaiuia aomata, ao ke E kamaiua i bon i Rouna, ngkana ana Kristo te Atua, ae rineaki i Rouna!”

Ruka 23:39

Ao e taetae ni kamaraki nano temanna irouia taani kam'arua ake a tauraki n te kaibangaki, ao e kangai, “Tiaki bon te Kristo Ngkoe? Ko na kamaiuko ma ngaira!”

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

Tito 1:12

E taku raoia temanna, ae bon aia burabeti, “A aki toki ni b'aina te kewe I-Kirete, boni maan ni kaakang aika aki manana, ao te koraki ni buabeka aika aki m'am'akuri.”