Iobi 27:7 - Te B'aib'ara

⁷ Ke a bane ni katuaaeaki au kairiribai n aroia aomata aika buakaka, ae akea te raoiroi i rouia, aika aomata ake aki toki ni kakaitaraai b'a kaanga aongkoa te aomata ae i buakaka ngai.

Iobi 27:7 Iomraidhean Croise

2.Tamuera 18:32

Ao e titiraki Tawita ni kaangai, “Ao e uara natiu are Abetarom? Ao e kaeka te I-Tiobia arei ni kaangai, “Te uea ae ko karineaki, bon au kantaninga b'a a bane n tia ni mate am kairiribai ma aomata ake a kataia n tiringko n reitaki naba ma ngaia!”

Iobi 27:6

E na bon aki b'ara nanou i bukina b'a I bon itiaki.

Iobi 27:8

Tera aia kaantaninga aomata aika akea atuaia ngkana e a roko te tai are e a anaaki iai maiuia i roun te Atua?

Iobi 31:35

Bon akea temanna ae kan ongora ni baika I taekin. Ma I bon berita b'a a koaua au taeka ni kabane. Ke E kaekaai te Atua,

Taniera 4:19

Ao e rangi n aki kakoaua te mii arei Taniera, are arana teuana Beretiata n te aro are e aki reke te b'ai ae e na taekinna. Ao E taku te uea nakoina, “Beretiata, ko na aki raraoma n te rongorongo ane e kaotaki n te mii anne.” Ao e kaeka Beretiata, “Te uea ae ko karineaki, E bia aki nanonaki te mii aei nakoim, ma e bia nanonaki nakoia am kairiribai.

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.