Iobi 27:2 - Te B'aib'ara

² “I berita n aran te Atua ae m'aaka, ae aki kan kaeta taekau, ao E karaoa maiu b'a e na maai,

Iobi 27:2 Iomraidhean Croise

2.Tamuera 2:27

Ao e takaarua Ioaba ni kaangai, “I tuea n aran te Atua ae e maiu, b'a ngke arona b'a ko bon aki taetae, ao a na teimatoa au rorobuaka ni kakioia aia utu ni karokoa te ngaina!”

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:15

E taku Eria, “Boni ngai ana toro te UEA ae E maiu ae Moan te M'aaka, ao I berita n arana b'a N na kaitibo ma Aaba n te bong aei.”

2.Uea 4:27

Ma ngke e a tib'a roko i taubukin te maunga, ao e kawara Eritai ao e taua waena. Ao e kawaria Keati b'a e na kanakoa ma e kaangai Eritai, “Tai kuaia. Ko aki noora rawawatan nanora? Ma e aki roko n te tuangai te UEA bukin te b'ai ae e na riki aei.”

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Iobi 16:11

E anga ngai te Atua nako nanon baiia aomata aika buakaka, ao E kaaki taekau i rouia aomata aika kam'araa.

Iobi 19:6

Kam aki ataia b'a bon te Atua ae karaoa aei? E a tia ni katauraoa te kai ni kab'aru i bukin kam'aneau.

Iobi 23:16

E a tia n urua ninikoriau te Atua ae m'aaka,

Iobi 34:5

E kamatoa Iobi n taekinna b'a tiaki te tia bure ngaia, ma e bon rawa te Atua ni karaoa te motikitaeka ae eti nako ina.

Iobi 35:2

Iobi, e riai i roum b'a ko na taetae b'a aongkoa akea am bure i matan te Atua?

Iobi 40:8

Ko kataia ni kakaea te koaua b'a I kakaraoa ae aki eti ko taekinai b'a I kaairua, ao ngkoe ko eti?

Iobi 9:17

E kanakoa te angibuaka n oreai ma ni kakunikuna rab'atau n akea bukina ae riai.

Iobi 9:18

E aki anganai au tai b'a N na rawea moa ikeu teutana, E kaonrakea maiu n te mwebuaka.

Itaia 40:27

Kam kaangai ngkami aika Iteraera, “E bon aki kubariira te Atua! E aki tabeakiniira ngkana e karaoaki ae e aki raoiroi nakoira.” Ma kam na kangaa n taekina anne?

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 5:2

A bane aomata ni kabane n urua aia berita aika a karaoi n Arau.”

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Warekaia Iteraera 14:21

Ma ngkai I boni maiu, ao bon akea tokin m'aakau,

Ruuta 3:13

Ko na tiku ikai ni kangainaa, ao ti na noria ningabong b'a ngkana e kani kawakiniko, ao e rangi n raoiroi, ma ngkana e aki, ao I tuea i matan te UEA b'a N na kawakiniko, wene ni kangainaa ikai.”

1.Tamuera 14:39

I berita i matan te UEA ae maiu b'a ane karaoa te bure, e na tiringaki, e aoria naba ngkana bon natiu are Ionatan.” Ao akea ae kakarongoa.

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 20:21

Ao i mwiina, N na tuanga au toro b'a e na nako ni kakaaea taiani kanoanikatebe i rarikim; b'a e na anai, ao ngkana I kaangai nakoina, “Nooria, a mena taiani kanoanikatebe i rarikim; anai,” ao e nanonaki iai b'a ko konaa n oti nako b'a akea te kangaanga. I tuea n iroun te UEA ae e maiu b'a e na bon akea te kangaanga.

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.

1.Tamuera 25:34

E a tia te UEA ni kaawakinai b'a N na aki karaoa ae e buakaka nakoim. Ma I bon tuea n aran te UEA b'a ngke arona b'a ko bon aki waekoa n roko ni kawarai, ao a na bane ni mate ana rorobuaka Nab'ara nakon te moaningabong!”