Iobi 27:16 - Te B'aib'ara

¹⁶ E ngae ngkana tao a tabukirake ana tirewa te aomata ae buakaka n te aro ae aki kona ni warekia, ao a uataorake riki ana kunnikai nako ia aomata,

Iobi 27:16 Iomraidhean Croise

1.Uea 10:27

E buta nanon te kaawa are i Ierutarem n te tirewa i nanon ana tai n uea, ao e koro rawatan naba te kai te tiira kaanga ai aron te tukomorea ni karaabeen taian tabuki.

Etita 8:1

Ni bon te bong naba arei, ao te uea are Keatiti e angan te ueanaine are Nei Etita ana b'ai Aaman ni kabane, are aia kairiribai I-Iutaia. E taetae te ueanaine nakon te uea ni kaota irekerekena ma Morotekai, ao mai mwiin te tai anne, e kariaiakaki Moretekai b'a e na konaa n rooroko i matan te uea.

Iobi 15:29

A na bon aki bati a na b'ai, ao e na bon aki teimaan kaub'aina. E na bon aki nene wakaana n te aonnaba aei.

Iobi 20:10

Ao natina a na kaoki baike e kimoai tamaia mai rouia aika kainano.

Iobi 22:24

Karenakoa am koora; tewenakoi ake a rangi n raoiroi i buakon atiibun kabin te karaanga ae m'auteretere.

Iobi 27:15

Ao a na manga mate n te aoraki akana a reke maiuia; ao ane a na aki tang naba aine ake a mate buuia.

Iobi 27:17

ma ane a na b'ainaki aia kunnikai i rouia aomata aika raoiroi.

Iobi 3:15

Ao i mwiina, N na matu n ai aroia taian nati ni uea aine ake a manga kaoni aia bareti n taiani koora ma tirewa.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Ab'akuka 2:6

Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Teb'ania 1:11

Kam na mangoo n tang ngkana kam ongo te baei ngkami aika kam maeka n iteran te kaawa are i nano, i bukina b'a ana bane ni mate ami taan boob'ai!

Tekaria 9:3

E a tia Turo ni karaoa te nono ma ni kab'arikoirake taian tirewa ma koora, b'a kaanga ai aron te maange ke te bokaboka mani kawain nako nuukan te kaawa.

Mataio 6:19

Tai kaiko ami b'ai aika kakawaki i aonnaba, ike e kangi b'aai iai te koa ma te raraa, ao a ururu ma n irae iai taan ira;

Iakobo 5:2

A mka ami b'ai ao a kanaki ami kunnikai n te koa.