Iobi 27:11 - Te B'aib'ara

¹¹ N na reireiniko b'a korakorara m'aakan te Atua; ma ni kab'arab'ara b'a tera te b'ai ae a tia ni baaireia te Atua ae m'aaka.

Iobi 27:11 Iomraidhean Croise

Iobi 11:7

Ko kona ni kunea tian ma tokin korakoran, ao m'aakan te Atua?

Iobi 27:10

A bon riai ngkoa ni kainanoa te kakukurei are E anga, a riai ngkoa n teimatoa n tataro nako Ina.

Iobi 27:12

Ma nooria, kam a bon bane n tia n nooria, ao e aera ngkai kam taetae n te aro ae nanobaba?

Iobi 6:10

Ngkana I ataia b'a E na karaoa aei, ao N na bon kibakibarake ni kukurei, I aki tabe ma korakoran marakiu. I ataia b'a E tabu te Atua; I bon tuai man kakaitarai Ana babaire.

Taian Areru 71:17

Te Atua, Ko reireiai ma ngke te teei ngai; Ao I teimatoa ni kakarakin taekan am M'akuri aika Kamimii ni karokoa ngkai.

Itaia 8:11

E tauai te UEA ni baina ae e korakora ao e taku: I kauringko! Ko na aki katotoongia aomata aikai.

M'akuri 20:20

Bon akea naba te b'ai teuana ae manena ae I taua n aki kaotia nakoimi, ma n aki reireingkami iai i mataia aomata ao n auti nako.

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.