Iobi 24:9 - Te B'aib'ara

⁹ A karaoia ataei aika akea aia karo b'a aia toro aomata aika buakaka, ao a anai natiia aomata aika kainano b'a kab'araan aia taarau tamaia.

Iobi 24:9 Iomraidhean Croise

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

Neemia 5:5

Bon I-Iutaia naba ngaira n ai aroia, ao bon ti te bo naba raoiroia ara ataei ma aia ataei. Ma ti bon kaakabooi nako ara ataei b'a taian toro, ao a tia n tauaki natira aine tabeman. Bon akea buokara; ao a tia naba n anaaki mairoura ara tawaana ma nnen arokara kureebe.”

Iobi 22:6

I bukin kabaean tarim b'a e na kabooa mwiin te m'ane are e taarauia i roum, ao ko anaa kunnikaina, ao ko katikua ma akea kunnikaina.

Iobi 24:10

Ma ngaia are, a nakonako aomata aika kainano ma akea kunnikaiia are a na katana rab'ataia iai, ao a taia te uita i bukiia tabem'aang.

Iobi 24:8

A m'aim'ai n te karau are b'aka i aon taiani maunga, ao a karabaia i rarikin taiani b'a ni kamanoia iai.

Iobi 29:12

Ngkana e tang te aomata ae kainano, I buokia; ao I anga te i buobuoki nako ia ataei ake akea aia karo, ake akea te tabo ae a na nako iai.

Iobi 6:27

Ane kam na karaoa te katekeraoi i aoia ataei aika akea aia karo i bukin anaakia b'a ami toro, ao kam na karekea kaub'aimi mairouia raoraomi ni koaua!

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Te Tua-Kaua 24:7

Ngkana kam reke n te bure n iraea kaain Iteraera ma ni kam'akuria n te m'akuri n toronaki, ao kam na kamateaki b'a e aonga n nako te m'akuri ae buakaka aei man te bootaki ni Iteraera.