Iobi 2:4 - Te B'aib'ara

⁴ Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Iobi 2:4 Iomraidhean Croise

Karikani B'aai 47:17

Ma ngaia are, a uoti aia man aika taian aoti, tiibu, kooti, kao, ao taian aati nako ina b'a booni kanaia. Ao e anganiia aomata kanaia n te ririki anne, ao e anai aia man ni kabane b'a boon kanaia.

Karikani B'aai 47:19

Taiaoka, buokiira, ti a mate. Tai kariaia b'a a na riki ara tawaana b'a taian rereua. Kabooira ma abara n te am'arake. Ti na riki b'a am toro, ao ko na aban naba abara. Anganiira karara te uita b'a ti aonga ni maiu, ao anganiira naba taian ati b'a ti na uniki n ara tawaana.”

1.Uea 20:31

Ao e taku temanna ana taani kairiiri, “Te uea ae ko karineaki, ti ongo b'a a bon aki konaa n urua aia berita uean Iteraera. Ma ngaia ae, ti na niniira koreara n taiani baeki aika a mka, ao taian roobu i aon atuura, ao ti a bubutiia Aaba b'a e na aki tiringko.”

Iobi 2:3

Ao e taku te UEA, “Tera am iango iroun au toro are Iobi? Bon akea temanna i aon te aba ae kakaonimaki ma n raoiroi riki nako ina. E tataromauriai, ao e kabanea korakorana n aki kakaraoa te m'akuri ae buakaka. Ko a tia ni imanonoai b'a N na kariaia b'a ko na kataia n akea bukina, ma e bon teimatoa naba Iobi n arona ni kakaonimaki.”

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Taeka n Rabakau 13:8

A na kabooa kamaiuaia aomata aika a kaub'ai, ma bon akea ana kangaanga te aomata ae e kainano

Ieremia 41:8

E kamaiuia tengaun mm'aane mai buakoia, b'a a na anganganna taian uita, taiani b'aare, b'aan te oriwa, ao ana karewe te manibeeru ake a karabai i nanon te tawaana.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Ruka 12:23

B'a e kakawaki riki te maiu nakon te am'arake, ao te rab'ata nakon te kunnikai.

Iotua 9:24

Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.