Iobi 2:12 - Te B'aib'ara

¹² Ao a kaman noora Iobi ma ngke a mena i keraroa ma aki kinaa, ma ngke a kinaa ao a moana tanginiweneia ma tangiia ni korakai. A raeuai aia kunnikai i bukin rawawataia, ao a tetewerakei taiani mannang nako eta i aon atuuia.

Iobi 2:12 Iomraidhean Croise

Karikani B'aai 27:34

Ao ngke e ongo aei Etau, ao e tang n takaarua ma te rawaawata, ao e taku, “Ko na anganai naba te kakab'aia tamau.”

2.Tamuera 13:36

Ao e aki maan imwin ana taeka, ao a roko natin Tawita m'aane akekei. A tang n takaarua, ao e tang naba n takaarua Tawita ma ana mataniwi ni kabane.

Etira 9:3

E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Neemia 9:1

A bane aomatan Iteraera n aki am'aam'arake ni kauabwi ma auani bongin te kaitiua n nam'akaina, ao a kunnikaiia ni kunnikai aika a raerob'a ao a kaoni atuuia n te baareka ni kaota nanokawakiia.

Etita 4:1

Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 19:14

A bane n tia n nako au koraki ma raoraou nako.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

Etekiera 27:30

ma n tang n nanoangaiko. A na kaoti nanokawaakiia n taun atuiia n te baareka ao n rabinobino i nanon taiani mannang;

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”

Tani Motiki-taeka 2:4

Ao a tang n takaarua Iteraera,

1.Tamuera 11:4

Ao a nako Kibea tabeman taani uarongorongo, are a na kaawa Tauro. A taekin b'aai ni kabane ake a riki i Kibea, ao a bane n tang kaain Kibea ni kabane.

1.Tamuera 30:4

Ao a tang Tawita ma ana rorobuaka, ao e aki roko n te toki tangiia ni karokoa a rangi ni kua.

1.Tamuera 4:12

Ao e biririkaaki man te bonibuaka nako Tiro temanna te tautia man te baronga are Beniamin. E a tia n raeuaka ana kunnikai ao e tauna atuuna n te tano ni kaota rawawatan nanona.