Iobi 2:10 - Te B'aib'ara

¹⁰ Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Iobi 2:10 Iomraidhean Croise

Karikani B'aai 3:17

Ao E a manga taku nakon teuarei, “Ao ngkoe ngkai ko ongo b'anaan buum ni kana naba te uaanikai are I a tia n tuangko b'a ko na aki kanna, ao ngkai, N na katekebuaka te tano. Ane ko na m'akuri korakora ni kabane bongin maium n riribanaa te tano i bukin karekean kanam.

2.Tamuera 13:13

Ko na iangoai. Ngkana ko karaoa aei nako iu, ao N na bon b'ainrang n aki toki! Ao ko na iangoiko naba. Ane a na bane Iteraera n araniko b'a ko onrake n te nanobaba! Ko na riai n tuanga moa te uea, ngkana tao e na kariaia marem ma ngai.”

2.Tamuera 19:22

Ao e taku Tawita, “Abitiai, tera ae n na riai ni karaoia ma tarim ane Ioaba? Ngkami taan tuangai b'a antai ae e kaairua? I a tia n rineaki b'a aia uea Iteraera ni kabane n te bong aei, ao bon akea temanna ae e na tiringaki!”

2.Tamuera 19:28

Ma e ngae n anne, ao ko riai n tia n tiringiia au utu ni kabane ma ngai, ma ko aki b'a ko a manga kam'arakeai n am taibora. Te uea ae ko karineaki, tera riki ae N na buubuti iai?”

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Iobi 2:9

Ao e taku buuna, “Ae ko bon teimatoa naba ni kakaonimaki? E aera ngkai ko aki taetae n aki akaaka nakon te Atua, b'a ko bon aoria ni mate?”

Taian Areru 39:1

I kaangai, N na taraa raoi kawaiu ao N na taua neweu man te bure; N na katokai baiu n rabun wiiu ngkae a mena i rariku taani bure.

Taian Areru 39:10

Kararoa am Rekenikai mairou; I bon rawata n oron baim.

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Taian Areru 59:12

A bure n aia taeka ni kabane: Ke a m'ane n aia kainikatonga. Ao i bukin aia karereanti ma kewekewe,

Taeka n Rabakau 9:13

E aki konaa n iango te nanakabi, akea ana iangoraoi, ao e nanobaba.

Taeka n Rabakau 9:6

Ngkana kam tangiria ni maiu, ao kam na kaaki nanobabami ao karika te ataib'ai b'a te tia kaawakin m'am'anangami.

Te Minita 7:14

Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Mataio 25:2

A nanobaba niman, ao a wanawana niman.

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

I-Rom 12:12

E na reke iroumi te kim'areirei n ami kaantaninga; b'aina te taotaonaki n nano i buakon te rawawata, ao b'aina te tataro n taai nako.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”