Iobi 17:9 - Te B'aib'ara

⁹ E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Iobi 17:9 Iomraidhean Croise

Karikani B'aai 20:5

E bon taku Aberaam b'a m'anena, ao e bon taku naba neiei. Ao I karaoa aei ma nanou ae itiaki, ao bon akea te b'ai ae I a tia ni karaoia.”

2.Tamuera 3:1

Bon moanan te buaka ae e anaanau te buaka aei imarenaia ake a tei i bukin Tauro ma ake a tei i bukin Tawita. E rikirake ni mamaara korakoran Tauro, ma e rikirake ni buubura m'aakan Tawita.

Iobi 22:30

E na boni kamaiuko ngkana akea am bure, ngkana e bon eti te b'ai ae ko karaoia.

Iobi 27:5

N na aki manga taekinna b'a kam eti, N na boni kamatoaa ae I aki bure ni karaoan te m'akuri ae buakaka ni karokoa mateu.

Iobi 27:6

E na bon aki b'ara nanou i bukina b'a I bon itiaki.

Iobi 31:7

Ngkana tao arona b'a e a tia ni bure kawaiu, ke tao n anaaki nanou n te buakaka. Ngkana tao e a tia ni kabarekaaki baiu n te bure,

Iobi 33:9

“I aki bure; I tuai karaoa te b'ai ae bure. Bon tiaki te tia bure ngai, ao bon akea te bure i Rou.

Taian Areru 11:3

Ngkana a uruaki tuua i bukin te botannaomata, ao akea te bae e kona ni karaoia te aomata ae e raoiroi.”

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 73:13

E boni matebuaka kawakinau b'a N na itiaki, N akea te bure ae I karaoia.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Taian Areru 84:8

Te UEA ae te Atua ae Moan te M'aaka, Ko na ongo au tataro; Atuan Iakob'a, Ko na ongora!

Taeka n Rabakau 10:25

A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Taeka n Rabakau 10:30

A na tei ni matoatoa aomata aika a raoiroi, ma a na bua abaia aomata aika a buakaka.

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Mareko 7:2

A noriia tabem'aang i buakoia ana reirei Iesu b'a a am'arake ma baiia aika aki itiaki, b'a a tuai n teboki n ai aron are a tataneiai iai B'aritaio

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.