Iobi 15:4 - Te B'aib'ara

⁴ Ko a karikiia aomata tabem'aang b'a a na kitana maakakin te Atua, ao ko katokiia man tataroan te Atua.

Iobi 15:4 Iomraidhean Croise

Iobi 15:3

E bon riai b'a e na kauntaeka n taeka aika akea manenaia, ke n taeka aika akea uaaia aika raoiroi?

Iobi 15:5

A ootara mamaaram n am taeka, ma ko kataia ni karaba n am taeka n rabakau.

Iobi 27:10

A bon riai ngkoa ni kainanoa te kakukurei are E anga, a riai ngkoa n teimatoa n tataro nako Ina.

Iobi 5:8

Ngke tao arona b'a Ngai ngkoe, ao N na rairaki nakon te Atua ma n uotirake kaetan taekau i matana.

Iobi 6:14

I tangiriia raao ni koaua i nanon te kangaanga n aron aei, e aoria ngkana I kiitana te Atua ke I aki.

Taian Areru 119:126

Karaoa ae ko taku, te UEA! B'a a urua am Tua aomata.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Amota 6:10

E na kaotinakoaki rab'atan te mate man te auti iroun teuare a na buu te mate arei, are bon ngaia naba ae mataniwiia te bootaki ni mate arei. E na wewete te buu arei nakoia ake a tiku n te auti ni kaangai, “iai riki raom temanna ikanne?” Ao e na kaekaaki ni kaangai, “akea” Ao e na kaangai ana buu teuare e mate, “Tai karongoaa, ti riai ni kaawakiniira man atoatongan aran te UEA.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Ruka 18:1

Ao E taekina te rongorongo ni kabotau Iesu nakoia ana reirei, ma te kaantaninga b'a a riai n tatataro n taai nako, ao a na aki b'ara nanoia.

I-Rom 3:31

Ti urua ngkanne iai te Tua n te onimaki? Ti aki; ma ti kateimatoa te Tua.

I-Karatia 2:21

I aki kakeaa bonganan ana akoi te Atua; b'a ngkana e kaetaki reitakin te aomata ma te Atua n te Tua, ao akea bonganani mateni Kristo.