Iobi 12:6 - Te B'aib'ara

⁶ A maiu ma te rau taani kimoa, ma aomata naba aika akea te b'ai ae a onimakinna, e ngae ngke a tia n atuani korakoraia.

Iobi 12:6 Iomraidhean Croise

Iobi 12:5

E aoria b'a are akea ami kaangaanga, ao kam a manga b'ainingareai. Kam a manga karawawata riki te aomata ae bon rawawata.

Iobi 12:7

A boni kona naba mannikiba ma maan n reireiniko;

Iobi 15:13

ma ngaia are ko ekaanako te Atua ma ni kaotinakoi taeka aika buakaka nako Ina?

Iobi 22:18

Ma bon te Atua ae kabatiai aia b'ai I aki kona n atai aia iango ni baba.

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Iobi 9:24

E anga te aonnaba te Atua nako ia aomata aika buakaka. E kamatakiia taani moti ni kabane. Ao ngkana tiaki te Atua ae karaoi, ao antai ae karaoi?

Taian Areru 17:14

Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

Taian Areru 37:1

Tai kabonoa nanom irouia taani bure; Tai bakantang irouia akana karaoa ae buakaka.

Taian Areru 37:35

I a tia n nora te aomata ae kakaiowawaea nakoia tem'angina ao n rikirake ni korakora,; kanga ai aroni kain Reb'anon ae te tiira.

Taian Areru 73:3

i bukin nanobwiu irouia ake a kainikatonga ngke I noori b'aai b'a a nako raoi i bukiia aomata aika buakaka.

Taian Areru 92:7

A kona n rikirake akana buakaka kanga ai aroia uteute, ao a maiu raoi; Ma ane a na kamaunaki n aki toki,

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 5:27

Kam buakaka, ao kam b'anganikewe ao ni kam'aam'ane i bukin karekean kaub'aimi i bon iroumi. Kam korakora

Ieremia 5:28

ao kam tetekeraoi, ma kam rawa ni buobuoki nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.