Iobi 12:10 - Te B'aib'ara

¹⁰ Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Iobi 12:10 Iomraidhean Croise

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Iobi 27:3

ni karokoa tokin maiu n aron are E a tia ni baaireia,

Iobi 27:8

Tera aia kaantaninga aomata aika akea atuaia ngkana e a roko te tai are e a anaaki iai maiuia i roun te Atua?

Iobi 33:4

E karaoai Tamnein te Atua, ao E kamaiuai ikeiken Teuare Moan te M'aaka.

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taian Areru 104:30

Ko karikiia ni kabane iroun Tamneim, ao Ko angan te aba te maiu ae boou.

Te Minita 9:1

I iangoi baikai. Ao i mwiina, I a ataia b'a bon iai m'aakan te Atua i aoia aomata ni kabane, e ngae ngkana ti wanawana ngaira aikai ao ti maiuakina te raoiroi. A konaa n riki b'aai ni kabane nakoira, ma ngaia ae, ti aki konaa n ataia b'a tera uotan te maiu, tao te raoiroi ke te buakaka.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Ioane 3:6

E riki te maiu n rab'ata iroun te aomata mairouia ana karo, ma maiuna n tamnei e riki mairoun te Tamnei are Tabu.

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”