Iobi 11:8 - Te B'aib'ara

⁸ E ataa tokin karawa te Atua, ma ko aki kona n rootia. E ataa abaia maate, ma ko aki ataia ngkoe.

Iobi 11:8 Iomraidhean Croise

2.Rongorongo 6:18

E bon aki tau buuburan karawa i bukim, te UEA ae te Atua. Ao ko nang kangaa riki ni maeka n te aonnaba n te Tembora ae I a tia ni karaoia aei?

Iobi 11:9

E buubura riki korakoran te Atua nakon te aonnaba, ao e raababa riki nakon marawa.

Iobi 22:12

E koaua b'a E aki maeka te Atua i karawa are te kabanea n rietaata, ao E baraaki n tarai aon taiani itoi, e ngae ngke a bon rietaata naba.

Iobi 26:6

Akea rabunan abaia maate i Roun te Atua, ao akea rabana.

Iobi 35:5

Tara karawa! Noori rietaatan taian nang!

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 38:17

Iai ae a tia ni kaoti nako im mataroan abaia maate ake a rotongitong?

Iobi 7:9

Ai aron te nang ae nang tabe ni bua man taon nako. E mate te aomata, ao e aki manga oki

Taian Areru 103:11

Rababan ana tangira te UEA kanga ai aron rietaatani karawa mai aon te aba.

Taian Areru 148:13

A na bane ni kamoamoa aran te UEA! E kakannato arana i aon aara nako; E m'aaka i aonnaba ma karawa.

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 55:9

A rietaata riki au iango ma arou nako nakoim kaanga taiani karawa ngkai a rietaata riki nakon te aonnaba.

Amota 9:2

E ngae ngkana a kena kawaia n ruo rikaaki nako abaia maate, ao a na bon reke naba i Rou. E ngae ngkana a tam'arakea karawa, N na bon ukoriia naba.