Iobi 10:9 - Te B'aib'ara

⁹ Uringnga b'a Ko bon karaoai man te bokaboka, ao Ko nang manga urua rab'atau ni kaokia nakon te tano?

Iobi 10:9 Iomraidhean Croise

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Iobi 10:10

Ko angan tamau te korakora ni karikai, ao Ko karikirakeai i nanon biroton tinau.

Iobi 17:14

N na atonga te ruanimate b'a tamau, ao N na atongi ino ake a na kana rab'atau b'a tinau ao m'aneu.

Iobi 33:6

Ti te bo arou ma ngkoe i matan te Atua, ti kaai ni karaoaki man te tano.

Iobi 34:15

ao a na bane ni mate aika maiu ma ni manga oneaki rab'ataia ni manga okira te tano.

Iobi 4:19

A karaoaki aomata man te bokaboka ao a maraurau kanga mannikiba aika uarereke, Tera am iango?

Iobi 7:21

Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Iobi 7:7

Te Atua O, uringnga b'a ti te ikeike maiu aio, a bon tia n toki kukureiu.

Taian Areru 103:14

E atai aroni karikara; E ataira ae bon te bubu n tano ngaira.

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taian Areru 106:4

Te UEA, uringai ngkana Ko buokiia am Botannaomata, Ao kamaiuai ma ngaiia;

Taian Areru 22:15

E bane korakorau kanga ai aron aontano ae m'auteretere; ao e nimta ngangarakeu neweu, Ao ko kaweneai n te ruanimate.

Taian Areru 25:18

Ko na mutiakin rawaawatau ma marakiu; ao kab'arai au bure ni kabane.

Taian Areru 78:39

E uringnga ae bon ti aomata ngaiia, ae kanga ai aroni karen te ang ae roko ao n nako.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Taian Areru 90:3

Ko tuanga te aomata b'a e na oki nakon arona are ngkoa; Ko onikia nakoni bubun te tano.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 18:6

Kaain Iteraera, iai m'aakau Ngai ae te UEA i aomi, kaanga te tia karao kaatiibu ae iai m'aakana i aon ana kaatibu.

I-Rom 9:21

Akea ana riai te tia karaoi b'aai man te bokaboka b'a e na karaoa te boora ae katamaroaaki ma te boora ae akea katamaroaana man ti teuana te b'ariko ni bokaboka?

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.