Iobi 1:3 - Te B'aib'ara

³ ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 1:3 Iomraidhean Croise

Karikani B'aai 12:16

Ao e a rangi n akoa Aberam te uea i bukin neierei, ao e anganna nanai n tiibu, nanai ni kooti, nanai ni kao, nanai n aati, nanai ni kamero, ao ana toro aika m'aiti.

Karikani B'aai 12:5

Ao e kaira Nei Tarai are buuna Aberam, ma ai natina are Roota, ao kaub'aina ma ana toro ni kabane ake a reke i Aran, ao a manga moana m'anangaia nakon te aba are Kanaan.

Karikani B'aai 13:6

Ma ngaia are, e a aki tau te tawaana n uteute i bukiia ni kauoman ngkai a bootaki ni maeka, b'a a rangi ni m'aiti aia nanai ni man.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Karikani B'aai 29:1

Ao e toua nako kawaina Iakob'a nakon aba ake i mainiku.

Karikani B'aai 32:14

E anai 200 taian kooti aine, ao uangaun kooti mm'aane, 200 taian tiibu aine, ao uangaun kooti mm'aane,

Karikani B'aai 34:23

Ao a na riki aia nanai ni man ma aia b'ai nako b'a ara b'ai. Ngaia ae, ti riai ni kariaia b'a aonga ni maeka i rarikira.”

2.Tamuera 12:2

Iai ana tiibu ao a na kao aika a m'aiti te aomata are e kaub'ai arei,

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

2.Uea 15:20

Ma ngaia are, e anga ana taeka Menaem nakoia aomata ni kabane i aon Iteraera aika a kaub'ai b'a a na anga kaka teuana te rawaawata ni waerake te kirokuraem te tirewa, ao e anga nakon Tikeraka Biretia ni kabane. Ao e katoka buakanakin Iteraera Tikeraka Biretia ao e kiitanna.

2.Uea 3:4

E tauaki taekan te aba are Moaaba irouia Iteraera i nanon ririki aika a bati, ao e kairoroaki b'a e na kab'aka te roo n rab'ata nakoia uean Iteraera. E karikirakea te tiibu uean Moaaba are Metia, ma ngaia are, e angaangan uean Iteraera tebubua te ngaa te tiibu teteei, ao taian burae n tiibu man tebubua te ngaa tiibu m'aane.

1.Rongorongo 27:30

Te tia tararuai taiani kaamero bon Obira are kanoan Itimaera, ao te tia tararuai taian aati bon Ieteia are kaain Meronota, ao Iatiti are kaain Akeraite bon te tia tararuai taian tiibu ma kooti.

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

2.Rongorongo 32:29

E karika Etekia te UEA b'a e na rangi ni kaub'ai, ma ngaia are, e a manga karekei riki ana tiibu, kooti, ao ana nanai ni kao. Ao e katei naba taiani kaawa ike a na konaa ni kawakinaki iai taiani man aikai.

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Iobi 1:4

Ao aki toki natina m'aane ni bobooa aia baka n am'arake temanna i mwiin temanna, n te aro are a baneakina moa ana baka temanna, ao i mwiina manga temanna, ao a kaoiia m'aneia ake teniman b'a a na raoniia.

Iobi 21:28

B'a kam kaangai, “E nga ngkai ana auti te aomata ae kakannato ngkoa, are te aomata are te tia karaoa te buakaka?”

Iobi 29:25

I riki b'a te mataniwi, ao I karaoi taiani babaaire; I kairiia n ai aron te uea ngkana e kairiia ana taanga ni buaka, ma ni karekea te mwengaraoi n aia tai ni kainano.

Iobi 31:25

I bon tuai naba mani kainikatonga i bukin te kaub'ai ae bati i nanoni maiu.

Iobi 31:37

Ao i mwiina, N na tuanga te Atua b'aai ni kabane ake I a tia ni karaoi, ao N na roko i matana ma te aki maaku kaanga te nati ni uea.

Iobi 42:10

Ao i mwiin ana tataro Iobi i bukiia raoraona ake teniman, ao E a manga kakab'aia Iobi te UEA, ao E a manga anganna uoua te tai okiokin ana b'ai ake mai m'aaina.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Ieremia 49:28

Aio te b'ai are e taekinna te UEA i bukin baronga are Keta ao kaawa aika a uarereke n te rereua ake a tauaki i roun Uean B'aburon are Nebukaneta: ake a tia n tauaki i roun uean B'aburon are Nebukaneta Ongo, ngkami aika kaain Keta ma baronga ake te korakina ake n rereua i mainiku. I a tia n tuanga Nebukaneta b'a e na buakaningkami ma ni kamaunaingkami.

Warekaia Iteraera 23:7

Ao e taku B'araam: E kairai te uea are B'araka are ueani Moaba man tabukin Tiria b'a n na katekebuakaia Iteraera ma ni katanoata b'akana.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

Tani Motiki-taeka 8:10

A mena Teba ma Taremunna i Karekora aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.

1.Tamuera 25:2

Iai temanna te rorobuaka ae kaain te kaainga are Kareb'a ae arana Nab'ara, ae kaain te kaawa are Maon, ao iai abana i rarikin te kaawa are Karemera.

1.Tamuera 27:9

a tiringiia rorobuaka ma aine ni kabane, ao a anai taian tiibu, kaao, taian aati, kamero, ao ai uana naba ma taian kunnikai. Ao i mwiina, a na manga okira Akiti,