Iobi 1:19 - Te B'aib'ara

¹⁹ ao e a roko naba te ang ae korakora man te rereua. E uka te auti ni kab'aka, ao a bane ni mate iai. Ao bon ti ngai nikiraia are I a biri nako b'a N na tuangko.”

Iobi 1:19 Iomraidhean Croise

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

1.Uea 20:30

Ao a biri rikaaki nikiraia kaain Turia nako Abeki, ma e a manga b'aka oon te kaawa ao a manatua ni mate iai 27,000. Ao e biri nako naba Benatata nako Abeki ao e karabaa n te ru teuana i tinanikun te auti.

Iobi 1:18

Ao i mwiin banen a na taeka, ao e a manga roko te tia m'akuri are temanna ao e taku, “Ngke a tabe n am'arake ni kukurei natim n ana auti teuare te karimoa,

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Mataio 7:27

ao e b'aka te karau, ao e roko te raanga, ao e kare te ang ae baibati n neakina te auti arei, ao e b'aka; ao e uruaki rab'atana ni kabanea.

M'akuri 28:4

Ngke a nora te naeta n tinetine ni baini B'auro, ao a i taetae irouia kaain te tabo arei, ni kaangai, “Bon te koaua b'a te tia tiritiri te aomata aei: b'a e ngae ngke e reke maiuna mai tari, ma e aki kariaia antin te kaetitaeka b'a e na maiu.”

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

Tani Motiki-taeka 16:30

Ao e takaarua ni kaangai, “N na mate ma kaain Biritia.” Ao e butui taiani boua ake uaai akekei n tokini korakorana, ao e ingunako te tembora ni b'akariia taan tautaeka ma aomata ni kabane ake i nanona. E raka riki m'aitiia kaain Biritia ake a mate iroun Tamton ni matena, nakon ake e tiringi ngke e boni maiu.