Iobi 1:17 - Te B'aib'ara

¹⁷ Ao i m'aiin banen ana taeka, ao e a manga roko te tia m'akuri are temanna ao e taku, “Tenikoraki aia koraki taian I-Kareria ake a roko ni buakaniira ma n uoti nako taiani kamero, ao a tiringiia am taani m'akuri ni kabane, ao bon ti ngai nikiraia. Bon ti ngai are I a biri nako b'a N na tuangko.”

Iobi 1:17 Iomraidhean Croise

Karikani B'aai 11:28

Ao e mate Aran i bon i abana are Ura i Kareria, ngke e boni maiu tamana.

Karikani B'aai 11:31

Ao e teirake ni m'ananga Teera man te kaawa ae buubura are Ura i Kareria b'a e na nakon te aba are Kanaan, ao e kaira natina te mm'aane are Aberam, ao tibuna are Roota are natin Aran te mm'aane, ao buun natina are Aberam, are Nei Tarai. Ao a m'ananga nako Aran, ao a maeka iai.

2.Tamuera 1:3

Ao e titirakinna Tawita ni kaangai, “Ko nako mai ia?” Ao e kaangai te m'aane arei, “I nako man ana taanga ni buaka Iteraera. I kataia ni karekea birinakou n rawea maiu.”

Iobi 1:15

ao a karina naba n roko I-Teba ni buakaniira ma n anai taiani kao ma aati ni kabane. A tiringiia am taani m'akuri ni kabane, ao bon ti ngai nikiraia. Bon ti ngai are I biri nako b'a N na tuangko.

Iobi 1:18

Ao i mwiin banen a na taeka, ao e a manga roko te tia m'akuri are temanna ao e taku, “Ngke a tabe n am'arake ni kukurei natim n ana auti teuare te karimoa,

Itaia 23:13

Bon noora te b'ai ae a karaoia kaain Aturia nakoia kaain B'aburon! A tia ni buakaniia, ma n uruaki taiani bareti ni kabane ake i aon te aba. Ao ngkai a maeka taiani man aika a aki manana i buakon aia b'ai koraki aika a uruaki.

Etekiera 23:23

N na bootia ni kabane mataniwi aika a uarereke aika a botonim'aane ao aia aobitia aika a rietaata taani buaka mai aoia aoti mai B'aburon ao Aturia, ao ai uana naba man barongan Kareria i Bekota, Tioa ao Koa.

Ab'akuka 1:6

N na kakorakora m'aakan te tautaeka ni B'aburon, ae te koraki aika a tiritiri, aika akea tokiia. Akana a m'am'ananga n te aonnaba ni buakani aaba nako.