Iobi 1:10 - Te B'aib'ara

¹⁰ Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Iobi 1:10 Iomraidhean Croise

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 30:30

Bon ti tabeua ngkoa i m'aain rokou, ao E a tia te UEA ni kakab'aiai b'aai ni kabane ake I a tia ni karaoi. Ao ngkai e a roko te tai are I a bon riai ni karikirakea arou iai i bon irou.”

Karikani B'aai 30:43

Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.

Karikani B'aai 39:5

Ao E kakab'aia kaain ana auti te I-Aikubita arei te UEA ma ana b'ai ni kabane ake n ana auti, ao n ana tawaana i bukin Ioteb'a.

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 29:2

“Ai tera ngke I kona ni manga okiri au bong ake ngkoa, ake taai ake E tararuaai iai te Atua.

Iobi 29:6

A rangi ni m'aiti aia miriki au kao ma au kooti, ao a bwebwerake naba arokau taian oriwa i aon te bon ae te kabanea n ririb'a.

Iobi 31:25

I bon tuai naba mani kainikatonga i bukin te kaub'ai ae bati i nanoni maiu.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 5:12

Ara UEA, Ko na kakab'aiaia akana a ongotaeka iroum, a kamanoaki n am Tangira kaanga te otanga.

Taian Areru 71:21

Ko na karakaa karineau; Ko na manga kakukureiai riki.

Taian Areru 80:12

Ko aera ngkai Ko kab'aka ooia are katobibiaki? Ae a roko iai aomata aika Ianena n iraei kaub'aina;

Taian Areru 90:17

Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Itaia 5:2

E kena te tano raoraou, e kanakoi taian atiibu, ao e uniki taian kureebe aika a rangi n raraoi. E karaoa te taua n taratara ao e kena te b'angab'anga n te tabo ae e ririb'a i bukin kamantan taiani kureebe. E kaantaningaia b'a a na rangi ni karewerewe, ma a bane n tii nako uaaia aika a maai.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Te Tua-Kaua 33:11

I tataro b'a E na kakab'aiai b'aai ni kabane akana kam karaoi ma n anganingkami te korakora ni kamanatuaia ami kairiribai.

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Tamuera 25:16

A kakaawakiniira n te bong ma te ngaina n taai nako are ti tabe iai tararuaia ara nanai ni man.