Iobi 1:1 - Te B'aib'ara

¹ N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 1:1 Iomraidhean Croise

Karikani B'aai 10:23

A nako mani kanoan Aram Kaain aaba aika Uti, Ura, Ketera, ao Mati.

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 36:28

Ritian bon aia bakatibu baronga ake Uti ao Aran.

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

1.Rongorongo 1:17

Tem bon aia bakatibu Eram, Atura, Arebaketiata, Ruuta, Aram, Uti, Ura, Ketera, ao Meteka; bon ngaiia aia bakatibu abanuea akana a ingoanaki n araia.

1.Rongorongo 1:42

Etera bon tamaia Birean, Taawan, ao Iaakan. Ritan bon tamaia Uti ao Aran.

Iobi 1:8

Ao E a manga taku te Atua, “Ao ko nonora Au aomata are Iobi? Bon akea te aomata temanna n te aonnaba ae kakaonimaki man raoiroi riki nako ina. E tataromauriai, ao e kabanea korakora b'a e na aki karaoa te m'akuri ae buakaka teutana.”

Iobi 2:3

Ao e taku te UEA, “Tera am iango iroun au toro are Iobi? Bon akea temanna i aon te aba ae kakaonimaki ma n raoiroi riki nako ina. E tataromauriai, ao e kabanea korakorana n aki kakaraoa te m'akuri ae buakaka. Ko a tia ni imanonoai b'a N na kariaia b'a ko na kataia n akea bukina, ma e bon teimatoa naba Iobi n arona ni kakaonimaki.”

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Iobi 4:6

Ko karinea te Atua ao ko maiuakina te raoiroi, tai b'arannano!

Iobi 9:21

I bon aki bure, ao I aki tabe iai. I a kua n te maiu aei.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 14:2

Ngkana kam maiu raoi, kam bon kaotia b'a kam karinea te UEA; ngkana kam b'anganikewe, kam bon kaotia b'a kam bon akea boonganan te Atua.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 20:7

A maiuakina te raoiroi aomata aika a raoiroi, ao e kakab'aiaia naati aika a katotoongia.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Ieremia 25:20

ao ianena ni kabane ake a maeka i aon te aba arei. Ao i mwiina, I nako ia uean Uti, ao i mwiina uean Biritia ake aman, ake a tautaekana Atikeron, Kata, Ekeron, ao nikirani b'aai i Atitota.

B'aeb'aeti 4:21

Kam na ngarengare aika aomatan Etom ma Uti; Kakatonga n aron ae kam kona. B'a ae nang roko naba te kangaanga i aom; ko na kanakonakoaki naba ni bebeekan.

Etekiera 14:14

E ngae ngkana a maiu Nooa, Taniera, ao Iobi i buakoia te botannaomata, ma e na bon aki kamaiuaki naba temanna n aia kakaonimaki ma bon ti ngaiia.

Etekiera 14:20

N na manga kaokia riki. B'a e ngae ngke a maeka ikekei Nooa, Taniera ao Iobi, boni Ngai ae te UEA ae I berita b'a a na boni mate naba natiia m'aane aika a kakaonimaki aikai. Bon ti teniman aika a na kamaiuaki.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Te Tua-Kaua 18:13

Kam na aki bure ni karaoa te m'akuri teuana mai buakon baika a ribaaki aikai.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

1.Betero 3:11

E na kitana te buakaka, ao e na kakaraoa ae e raoiroi; E na ukoukora te raoi, ao e na kekeiaki m'aaka nako iai.