Ioane 9:7 - Te B'aib'ara

⁷ ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

Ioane 9:7 Iomraidhean Croise

Neemia 3:15

E tautaekana m'akoron te aba are Mitib'a Tiarun are natin Koraote te m'aane, ao boni ngaia are e a manga karaoa te Mataroa are Koburake n Ran. E rabuna aon te kawai n rin, ao e katinetinei taiani mataroa ao e kanim taian b'auti aika a matoatoa ao taian tatanga aika taiani kai b'a rokana. E bon manga karaoi naba taian oo n te Nei are Tiroa. E mena te m'akoro aei i mwiin ana nnenaroka te uea ao e waaki nako ni karokoa te kawai n ruorikaaki nakon ana Kaawa Tawita.

Taian Areru 146:8

Ao E kanorabaia akana mataki; e kakorakoraia akana a mamaara nanoia; E tangiria ana Aomata akana kakaonimaki ma n ongeaba i rouna.

Te Otinako 4:11

Ma E kaeka te UEA ni kaangai, “Antai ae e kataetaeia aomata ke ni kataningabonoia ke ni kabae neweia ke ni kamatakiia?

Itaia 32:3

Ao ane a na bane aomata aika iai mataia ni kaurei ma n taratara, ao a na kakauongo raoi aomata akana iai taningaia.

Itaia 35:5

Ane a na nooraki aika matakii, ao a na kamaiuaki aika a bonotaninga.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 43:8

Ikotiia au aomata. Bon iai mataia ao taningaia, ma a aki konaa n ongo ke n noraaba.

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Ruka 13:4

Ao tera aroia aomata ake tengauni ma waniman, ake a b'akaraki n te auti ae te taua i Tiroam, ao a mate iai; kam taku b'a a buakaka riki nakoia aomata ni kabaneia ake a maeka i Ierutarem?

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 11:37

Ma iai tem'angina i buakoia ake a kaangai, “E na aki kona Teuare kaure matan te matakii n tuka te mate b'a e na aki roko iroun Rataro?”

Ioane 9:11

E kaekaia ao e taku, “E kam'aim'aa te tano ni kaboboa te aomata are arana Iesu, ao E kabiri matau iai, ao E kaangai nako iu, Ko na nako Tiroam, ao teboki matam iai. Ma ngaia are, I nako n teboki iai, ao I a noraba.”

Ioane 9:39

Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,