Ioane 9:34 - Te B'aib'ara

³⁴ A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

Ioane 9:34 Iomraidhean Croise

Karikani B'aai 19:9

Ma a taku nakon Roota, “Kararoako b'a te iruwa naba ngkoe ikai. Tera am b'ai n tuangiira te b'ai ae ti na karaoia? Tai tukiira, b'a ti kaawa ni karaoa te b'ai ae buakaka riki nako im nakon are ti na karaoi nako ia.” A butuaanako Roota, ao a waakirake b'a a na urua te mataroa.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Iobi 14:4

Bon akea te raoiroi ae kona n otinako man te b'ai ae kam'ara n aron te aomata.

Iobi 25:4

Iai ae kona n raoiroi ke n itiaki i matan te Atua?

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Te Otinako 2:14

Ao e taku te mm'aane arei, “Antai ae e tuangko b'a ko na tararuaira ma ni karikiko b'a te tia motiki taekara? Ko nang manga tiringai naba, n aron te I-Aikubita arei?” Ao e maaku Moote n te b'ai arei, b'a e a kakoaua b'a a tia aomata n ataa te b'ai are e a tia ni karaoia.

Taeka n Rabakau 22:10

A na manga roko n tokiia te ngurengure ma te un, ngkana kam kakioia nako aomata aika a kauniia tem'angina.

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 65:5

Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ruka 11:45

E kaeka te rooia temanna ao e kangai, “Te Tia Reirei, Ngkai Ko taekin am taeka akanne ao Ko kabuakakaira naba iai.”

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 18:17

E koaua ae I tuangngkami, b'a ane aki butim'aea Uean te Atua n ai aron te teei ae uarereke, ao e na bon aki kona n rin iai.”

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 8:41

Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

Ioane 9:2

A titirakinna ana reirei ao a taku, “Te Tia Reirei, antai ae bure ngkae e bungiaki ni matakii teuaei? Ngaia ke ana karo?”

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Ioane 9:35

E ongo taekan teuare a tia ni kaureaki matana Iesu ngke e kaotinakoaki. Ngke e reke i rouna, ao E titirakinna ni kaangai, “Ko onimakina Natin te Aomata?”

Ioane 9:40

A ongo ana taeka Iesu B'aritaio tabeman ake a kaani ma Ngaia, ao a titirakinna ni kaangai, “Ao ngaira, ti matakii naba?”

1.I-Korinto 5:13

Ma te Atua E na motiki taekaia akana tiaki kaain te ekaretia. Kam na kam'awa te aomata ae buakaka mai buakomi.

I-Karatia 2:15

Ngaira bon I-Iutaia n rikira, ao tiaki aomata aika ianena aika taani bure, n aron are atoatongaki;

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

3.Ioane 1:10

Ma ngaia aei, ngkana tao I roko iroumi, ao N na kauring b'aai ake e karaoi ngke e wibuakaira n taeka aika bubuaka. Ao e aki toki ikanne. E rawa ni butim'aia taari akekei, ao e tukiia ake a kani butim'aia ma ni kab'akaia man te ekaretia.

3.Ioane 1:9

I a tia ni koroboki teutana nakon te ekaretia; ma Rioterebe are kani kakannato i buakoia, bon akea butim'aeara ae e raoiroi i rouna.

Te Kaotioti 13:17

Ao akea temanna ae kona ni bob'ai ke ni kabob'ai, b'a ti ane iai i rouna te kanikina, ae aran te man arei, ke te ware are tei i bukin arana.