Ioane 9:31 - Te B'aib'ara

³¹ Ti ataia b'a E aki ongo te Atua irouia aomata aika taani bure; ma ngkana e taromauria te Atua te aomata, ma n ongeaba nakoina, ao E ongo te Atua i rouna.

Ioane 9:31 Iomraidhean Croise

Karikani B'aai 19:29

Ngke E kamaunai taian kaawa aika buubura te UEA, ake n te m'arua are e maeka ngkoa iai Roota, ao E bon uringa naba Ana berita ma Aberaam, ma ngaia are, E kabirinakoa Roota nakon te tabo ae na maiu iai.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Iobi 35:12

A tangira buokaia ma E aki kaekaia te Atua i bukina b'a a kainikatonga, ao bon aomata ngaiia aika buakaka.

Iobi 35:13

Bon akea uaan tangiia, E bon aki nooriia, ke n ongo b'anaaia te Atua ae m'aaka.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 18:41

A tangira buokaia, ma akea ae buokiia; A wetea te UEA, ma E aki ongo irouia.

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Taeka n Rabakau 15:29

E bon aki konaa n ongo te UEA aia tataro aika a buakaka, ma e kaekai aia tataro aika a ongotaeka i rouna ni kabane.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Mika 3:4

E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Ioane 11:22

Ao I bon ataia b'a ngkai naba ngkana iai te b'ai ae Ko butiia te Atua iai, ao Ngaia E na boni karekea nako im.”

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

Ioane 9:30

E kaekaia teuarei ao e taku, “Ao! E kamimii aei! Kam aki ata te tabo are E nako mai iai, ma E kaure matau.

Ioane 9:32

Akea ae e a tia n ongo ma ngke e moa n riki aonnaba b'a iai te aomata ae kona ni kaure matan te aomata ae bungiaki ni matakii.

Te Tua-Kaua 1:45

Ao i mwiina, kam okira te tabo n taromauri are i Kaatetib'aania ma n tanginiwenei iai, ma E aki ongora te UEA nakon ami tataro.

Ebera 10:7

Ao I taku, ‘Noria, I a roko b'a N na toua mwin am taeka, te Atua, n ai aron ae e koreaki b'a taekau ni bokin te Tua.’ ”