Ioane 9:29 - Te B'aib'ara

²⁹ Ti ataia b'a E taetae te Atua nakoni Mote; ma Teuanne, ti aki ataia b'a E nako maia.”

Ioane 9:29 Iomraidhean Croise

1.Uea 22:27

Tuangiia b'a a na kainna n te karabuuti ao ana ti kam'arakea n te kariki ao te ran ni karokoa manga okiu ni buaka ma te maiu.”

2.Uea 9:11

E okirikaaki Ieu nakoia ana mataniwi, ao e titirakinna temanna ao e taku, “Tera ae e tangiria te burabeti are e baba arei? Iai te kaangaanga?” E kaeka Ieu ao e taku, “Kam bon ataia ao kam ataa naba aron taetaena.”

Taian Areru 103:7

E kaoti ana babaire nakoni Moote, ao ana m'akuri ni kamaiu nakoia Iteraera.

Taian Areru 105:26

E kanakoa ana tabonibai are Moote, ma Aaron are E a tia n rineia.

Taian Areru 106:16

Ngke a bakantang irouni Moote n aia tabo ni kaemb'a n te rereua, Ao iroun naba Aaron are ana ibonga te UEA,

Taian Areru 22:6

Ma tiaki te aomata ngai, b'a bon te m'ata, ae e kakeaki bonganana ma n riribaaki irouia aomata nako.

Maraki 4:4

Kam na aki m'aninga taian tua ma taeka n reirei ake I angan Au tia m'akuri are Moote i aon te Maunga are Tinai.

Warekaia Iteraera 16:28

Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Mataio 26:61

ao a taku, “E taku Teuaei, ‘I kona n urua ana um'antabu te Atua, ao ni kateia i nanon tenibong.’ ”

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 7:27

Ma ngaira ti ata te tabo are E nako mai iai Teuaei; ma ngkana E roko te Kristo, ao akea ae e ata te tabo are E nako mai iai.”

Ioane 7:28

Ma ngaia are, ngke E reirei Iesu n te Tembora, ao E kanenea b'anaana ao E taku, “Kam ataai, ao kam ata naba te tabo are I nako mai iai? Ma I aki nako mai n oin nanou. Iai iroun Teuare kanakomaiai, are kam aki ataia, bon te onimakinaki raoi.

Ioane 8:14

E kaekaia Iesu ao E taku, “Ao ngkana I kaotiota arou i bon irou, ao bon iai naba koauan au taeka: b'a I ata ike I nako mai iai, ao I ata ike N na nako iai; ma ngkami kam aki ata ike I nako mai iai, ao ike N na nako iai.

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.

Ioane 9:24

Ma ngaia are, a manga wetea riki teuare matakii ngkoa, ao a taku nakoina, “Ko na berita i matan te Atua b'a ko na taekina te koaua! Ti ataia b'a te aomata are kaure matam bon te tia bure.”

Ioane 9:30

E kaekaia teuarei ao e taku, “Ao! E kamimii aei! Kam aki ata te tabo are E nako mai iai, ma E kaure matau.

M'akuri 22:22

A ongora aomata irouni B'auro ni karokoa e atongi taeka aikai, ao a kanene ngkanne b'anaaia, ni kaangai, “Kamatea, b'a te aomata ae ai aron teuaei e aki riai b'a e na maiu.”

M'akuri 26:22

Ma E a tia te Atua ni buobuokai ni karokoa te bong aei, ao ngaia ae I a tei iai ngkai n taetae nakoia akana mangori ma akana kakannato, n akea te bae I karakaa n taekinna i rarikin ti aia taeka burabeti ma Mote i bukini baika na roko:

M'akuri 7:35

Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

Te Tua-Kaua 34:10

Bon akea riki te burabeti i aon Iteraera ae katotonga Moote. E taetae te UEA ma ngaia n itaramata

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;