Ioane 9:24 - Te B'aib'ara

²⁴ Ma ngaia are, a manga wetea riki teuare matakii ngkoa, ao a taku nakoina, “Ko na berita i matan te Atua b'a ko na taekina te koaua! Ti ataia b'a te aomata are kaure matam bon te tia bure.”

Ioane 9:24 Iomraidhean Croise

Etira 10:11

Ao ngkai, kam riai ni kaoti ami bure nakon te UEA ae Atuaia ami bakatibu ao ongotaeka i rouna. Kam na raure ma buumi akana Ianena ao kam na aki manga reitaki ma taian Ianena akana a maeka i rarikimi nako.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Mareko 15:27

A katineia naba i aoni kaibangaki n te tabo naba arei, uoman taani kam'arua: temanna i angaataina ao temanna i angamaingina.

Ruka 15:2

A ngurengure B'aritaio ma taani koroboki, ao a kangai, “Te Aomata aei, E butim'aia aomata aika buakaka ao E am'arake ma ngaiia.”

Ruka 19:7

Ao a bane ni ngurengure aomata ake a noria, ao a kangai, “E nako n rin b'a E na iruwanaki iroun te aomata ae te tia bure.”

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Ioane 18:30

A kaeka ao a taku nakoina, “Ngke arona b'a akea te m'akuri ae buakaka ae E karaoia, ao ti aki kona n anganiko.”

Ioane 19:6

Ngke a noria ngkanne ibonga ake mataniwi ma bureitimanin te Tembora, ao a takarua ni kaangai, “Kamatea n te kaibangaki, kamatea n te kaibangaki.” E taku Birato nakoia, “Anaia ngkami, ao kamatea n te kaibangaki, b'a akea ana bure ae I kunea.”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 8:46

Antai iroumi ae kona ni motika taekau b'a I bure? Ngkana I atonga te koaua, ao kam aera ngkai kam aki kakoauaai?

Ioane 8:49

E kaekaia Iesu ao E taku, “Akea te taimonio irou; ma I karinea Tamau, ao ngkami kam aki karineai.

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.

Ioane 9:25

Ao ngaia e taku, “Ngkana te tia bure, ao I aki ataia; ma te b'ai ae I ataia ti aei: b'a I matakii ngkoa, ao ngkai I a noraba.”

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Iotua 7:19

Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.