Ioane 9:10 - Te B'aib'ara

¹⁰ A titirakina teuarei ao a taku, “Ko kanga n noraba?”

Ioane 9:10 Iomraidhean Croise

Te Minita 11:5

Bon akea temanna ae e konaa ni kab'arab'araa, b'a e kangaa te ataei ni ikeike i m'aain bungiakina. Ma ngaia are, e na kangaa te aomata ni kab'arab'araa, b'a tera ae e karaoia te Atua? E ngae ngke E bon kariki b'aai ni kabane.

Ieremia 36:17

“Iai ae e tuangko b'a ko na korei baikai i aon te niira ni boki?”

Mareko 4:27

E matu n te bong, ao e uti n te ngaina; ao i nanoni kakaraoan aei i rouna, ao e kaoti taberan te aroka, ao e riki rake. Ma e aki ataia b'a e kanga n riki aei.

Ioane 3:9

E kaeka Nikotemo ao e taku nakoina, “E na kanga n riki ae ai aron aei?”

Ioane 6:1

I mwini baikekei ao E ri nanon namani Kariraia Iesu, are e aranaki naba b'a naman Tiberia, nakon iterana are teuana.

Ioane 9:11

E kaekaia ao e taku, “E kam'aim'aa te tano ni kaboboa te aomata are arana Iesu, ao E kabiri matau iai, ao E kaangai nako iu, Ko na nako Tiroam, ao teboki matam iai. Ma ngaia are, I nako n teboki iai, ao I a noraba.”

Ioane 9:15

A manga titirakina teuare a kaureaki matana B'aritaio, b'a a kanga ni kaureaki matana. Ao ngaia e kaekaia ao e taku, “E kabiri matau n te tano are E renganna ma bawarena; I nako n teboki matau, ao I noraba.”

Ioane 9:21

ma ti aki ataia b'a e kanga n noraba ngkai, ao ti aki ataia naba b'a antai ae kaure matana. Titirakinna; e a bon ikawai, ao e kona te taetae bon i bukina.”

Ioane 9:26

A manga titirakinna ao a taku, “Tera ae E karaoia nako im? E kanga ni kaure matam?”

Ioane 9:9

A taku tem'angina, “Boni ngaia; ao tem'angina a taku; Tiaki, ma ti te bo taraana ma ngaia.” Ao teuarei e taku, “Boni ngaia ngai.”

1.I-Korinto 15:35

Ane e na kangai temanna, “A na kanga ni manga uti maate? Ao tera aron rab'ataia ane a na roko iai?”