Ioane 8:55 - Te B'aib'ara

⁵⁵ Kam aki ataia; I ataia Ngai. Ngkana I taku b'a I aki ataia, ao N na riki b'a te tia kewe Ngai n ai aromi; ma I ataia ao I ongeaba nakon ana taeka.

Ioane 8:55 Iomraidhean Croise

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 9:3

Ao E kaeka te UEA: Taeka ni kewe mai nanon wiia au aomata ti te bo ma taian kanoanikatebe ma te kainikatebe. Are a rikirake maiai aia m'akuri n aonikai ngaiia n tatabemaniia nako, n te aro are bon akea temanna mai buakoia e kakoaua ae te Atua Ngai.

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 10:15

n ai aron te Tama ngkae E ataai, ao Ngai I ataa te Tama; ao I anga nanou b'a N na mate i bukiia tiibu.

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 15:21

Ma ane a na karaoi baikai ni kabane nakoimi i bukin arau, b'a a aki ata Teuare kanakomaiai.

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

Ioane 17:25

Tamau, ae am b'ai te eti, e aki ataiko te aba, ma I ataiko; ao a ataai uaakai ae Ko kanakomaiai.

Ioane 6:46

Tiaki nanona b'a iai ae e a tia n nora te Tama; ti Teuare mairoun te Atua ae E a tia n nora te Tama.

Ioane 8:19

A taku ngkanne nakoina, “E nga Tamam?” E kaekaia Iesu ao E taku, “Kam aki ataai ao kam aki ata naba Tamau.”

Ioane 8:29

E memena irou Teuare kanakomaiai; E aki kitanai ni katukai n ti Ngai, i bukina b'a I aki toki ni kakaraoa te baere E kukurei iai.”

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Ioane 8:51

Bon te koaua ni koaua ae I a tuangngkami, b'a ane ongeaba nakon au taeka n reirei, ao e na bon aki mate.”

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

1.Ioane 1:6

Ngkana ti taku b'a ti i raorao ma Ngaia, ao ngkana ti bon nakonako n te roo, ao ti kewe iai, ao ti aki karaoa ae koaua;

1.Ioane 2:22

B'a antai te tia kewe ma bon te aomata ae taku b'a Iesu bon tiaki te Kristo? Te aomata anne bon ana kairiribai Kristo, e kakeaa te Tama ma te Nati.

1.Ioane 2:4

Ane kangai, I ata te Atua; ma e aki tauu ana tua, ao bon te tia kewe, ao e aki mena te koaua i nanona;

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.