Ioane 8:51 - Te B'aib'ara

⁵¹ Bon te koaua ni koaua ae I a tuangngkami, b'a ane ongeaba nakon au taeka n reirei, ao e na bon aki mate.”

Ioane 8:51 Iomraidhean Croise

Taian Areru 89:48

Akea te aomata ae kona n inaomata man te mate ke te ruanimate.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Ruka 2:26

Ao E a tia te Tamnei are Raoiroi ni kaotia nako ina b'a e na aki mate i m'ain ae e tia n nora ana Kristo te Uea.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 17:6

“I a tia ni kaota aram nakoia aomata aika Ko anganai mai buakon te aba; bon am b'ai ngaiia, ao Ko anganai, ao a ongeaba nakon am taeka.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 6:50

Aio te am'arake are ruo mai karawa, are e na kanna te aomata ao e na aki mate.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.

Ioane 8:55

Kam aki ataia; I ataia Ngai. Ngkana I taku b'a I aki ataia, ao N na riki b'a te tia kewe Ngai n ai aromi; ma I ataia ao I ongeaba nakon ana taeka.

Ebera 11:5

I bukin ana onimaki Enoka, ao e uotaki rake ngke e maiu b'a e na aki bo ma te mate; ao e aki manga noraki b'a E uotia rake te Atua. B'a i m'ain uotakina rake, ao iai kakoauaana b'a e kakukureia te Atua.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.