Ioane 8:46 - Te B'aib'ara

⁴⁶ Antai iroumi ae kona ni motika taekau b'a I bure? Ngkana I atonga te koaua, ao kam aera ngkai kam aki kakoauaai?

Ioane 8:46 Iomraidhean Croise

Mataio 21:25

Maia ana b'abetito Ioane? Mairoun te Atua ke mairouia aomata?” A iango i rouia, ao a taku, “Ngkana ti kangai, Mairoun te Atua; ao ane E na kangai, ‘Ao e aera ngkanne ngkai kam aki onimakina Ioane?’

Mareko 11:31

A kauntaeka i rouia ao a taku, “Ngkana ti kangai, Mai karawa, ao ane E na kangai, E aera b'a kam aki onimakinna?

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 16:8

Ao ngkana E roko, ao E na kaotia nakon te aba b'a e bure ootana n aron te bure ao te raoiroi, ao e bure naba ootana n aron ana motiki-taeka te Atua.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

Ioane 8:7

Ngke a aki toki n titirakinna, ao E teirake, ao E taku nakoia, “Ane tuai meni bure i buakomi, ao e na karea moa neiei n te atibu!”

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

1.Betero 2:22

Akea te bure ae E karaoia, ao E tuai n taekina te kewe.