Ioane 8:41 - Te B'aib'ara

⁴¹ Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

Ioane 8:41 Iomraidhean Croise

Te Otinako 4:22

Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Otea 1:2

E taku te UEA, “Otea, e a tia Iteraera ni keweai kaanga te ainenum'a ae e aki kakaonimaki. Ko na iein ma te aine temanna ao karika natim i rouna.”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Ioane 8:38

I taekini baika I noori ma Tamau, ma ngkami kam karaoi baike e tuangngkami tamami.”

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.