Ioane 8:37 - Te B'aib'ara

³⁷ I ata ae kanoan Aberaam ngkami. Ma e boni ngae n anne, ao kam ukoukora kamateau i bukina b'a kam rawa ni butim'aea au taeka n reirei.

Ioane 8:37 Iomraidhean Croise

Mataio 13:15

B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ioane 10:31

A manga anai atibu I-Iutaia b'a a na karebanaia.

Ioane 11:53

Ma ngaia are, man te bong arei, ao a iaiangoa aroni kamatean Iesu.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

Ioane 7:19

Tiaki e anganingkami te Tua Mote, ao akea temanna i buakomi ae toua mwina? Kam aera ngkai kam ukoukora kamateau?”

Ioane 7:25

A taku I-Ierutarem tabem'aang, “Tiaki aei Teuare a ukoukora kamateana?

Ioane 8:33

A taku nakoina, “Kanoan Aberaam ngaira, ao akea ae ti a tia n toronaki i rouna. Tera ngkanne nanon am taeka, ngke Ko kaangai: Kam na kainaomataki?”

Ioane 8:43

E aera ngkai kam aki ata nanon te bae I taekinna? Aio bukina, b'a kam rawa ni kan ongo au taeka n reirei.

Ioane 8:56

E kim'areirei ami bakatibu are Aberaam ni kan nora te bong are N na roko iai; ao e a kaman noria, ao e kakatonga iai.”

Ioane 8:59

Ma ngaia are, a anai atibu b'a a na karebanaia, ma E karabaa Iesu, ao E kitana te Tembora.

Ioane 8:6

A atonga aei b'a a kani kam'anea, b'a e aonga n reke bukinana iai i rouia. E b'aoua ni baraaki Iesu, ao E koroboki n tabonibaina i aontano.

M'akuri 13:26

Mm'aane, taari, ngkami akana kam riki mairoun Aberaam! Ao akana maaka naba te Atua i buakomi, e kanakomaiakaki taekan te kamaiu aei nako ira.

I-Rom 9:7

ao ana kariki Aberaam tiaki naba natin te Atua ngaiia ni kabaneia, b'a E kaangai te Atua nakon Aberaam, “A na atongaki ana kariki Itaaka b'a am kariki.”

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.Ioane 2:14

Ataei, I koroboki nako imi, ngkai kam ata te Tama. Rorobuaka, I koroboki nako imi, ngkai kam korakora; e memena ana taeka te Atua i nanomi, ao kam a tia n tokanikai i aon teuare buakaka.