Ioane 8:33 - Te B'aib'ara

³³ A taku nakoina, “Kanoan Aberaam ngaira, ao akea ae ti a tia n toronaki i rouna. Tera ngkanne nanon am taeka, ngke Ko kaangai: Kam na kainaomataki?”

Ioane 8:33 Iomraidhean Croise

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Nakoaia Ibonga 25:42

I kairiia mai Aikubita b'a au taani m'akuri, ma a na aki kabooaki nako b'a tooro.

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ioane 19:25

Ao a tei i rarikin ana kaibangaki Iesu tinana ma tarin tinana are Nei Maria are buni Keroba, ao Nei Maria are te I-M'aketara.

Ioane 8:37

I ata ae kanoan Aberaam ngkami. Ma e boni ngae n anne, ao kam ukoukora kamateau i bukina b'a kam rawa ni butim'aea au taeka n reirei.

Ioane 8:39

A kaekaa ao a taku, “Ara bakatibu Aberaam.” E taku ngkanne Iesu, “Ngke arona b'a kanoan Aberaam ngkami, ao kam karaoa are e karaoia Aberaam.

Ioane 8:43

E aera ngkai kam aki ata nanon te bae I taekinna? Aio bukina, b'a kam rawa ni kan ongo au taeka n reirei.

I-Rom 9:7

ao ana kariki Aberaam tiaki naba natin te Atua ngaiia ni kabaneia, b'a E kaangai te Atua nakon Aberaam, “A na atongaki ana kariki Itaaka b'a am kariki.”

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

Tani Motiki-taeka 3:8

Ao E un te UEA n te m'akuri aei, ao E a kataenikaiia Iteraera iroun te uea are Kutianritiataim are uean Turia Meang, are e tautaekanna Iteraera i nanon wanua te ririki ma n rikoi aia roonrab'ata aomata nako.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.