Ioane 8:17 - Te B'aib'ara

¹⁷ E koreaki n ami tua ae kaangai b'a ngkana e bo raoi aia kaotioti taani kakoaua aika uoman, ao e koaua aia kaotioti.

Ioane 8:17 Iomraidhean Croise

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

Warekaia Iteraera 35:30

Tuaan te tiriaomata bon te mate. E na bon aki tiringaki te aomata ngkana e bukinaki n tiritiri, ma ti ngkana a reke uoman taani kakoaua n ana bure.

Mataio 18:16

Ma ngkana e aki ongo i roum, ao ko na kaira raom temanna, ke uoman, b'a a na riki b'a taani kakoaua nakon am taeka ni kabane ake ko bukinna iai.

Ioane 10:34

E kaekaia Iesu ao E taku, “Tiaki e koreaki n ami Tua ae kaangai, I taku, ‘atua ngkami’?

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

2.I-Korinto 13:1

Aio ngkai katenuan au tai ae N na nako imi iai. N aron are koreaki n te B'aib'ara, “A kamatoaki taeka ni bukibuki ni kabane ngkana a kakoauaki n aia taeka taani kakoaua aika uoman ke teniman.”

I-Karatia 3:24

Ma ngaia ae e riki te Tua b'a te tia reireiniira arora ni karokoa ae E roko Kristo, b'a aonga n reke reitakira ma te Atua n te onimaki.

I-Karatia 4:21

Kam na tuangai, ngkami aika kam kani mena i aan te Tua, kam aki ataia b'a tera ae e taekinna te Tua

Te Tua-Kaua 19:15

A na ti kakoauaaki aia kaotioti uoman taani kakoaua i bukin motikantaekaia aomata.

Ebera 10:28

Ane aki ongotaeka nakon ana Tua Moote, ao e kamateaki n aki nanoangaki ngkana e motikaki taekana, b'a e bure n aia bukibuki uoman ke teniman aika kaota ana bure.

1.Ioane 5:9

Ngkana ti kakoaua aia kaotioti aomata, ao ti na boni kakoaua ana kaotioti te Atua, b'a e kakannato riki. B'a aio ana kaotioti te Atua: b'a E boni kaotioti i bukin Natina.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”