Ioane 7:7 - Te B'aib'ara

⁷ Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

Ioane 7:7 Iomraidhean Croise

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

Taian Areru 109:5

I karaoi baika raraoi i bukiia, ma a kaboa nako iu ni baika bubuaka; I tangiriia, ma a ribaai.

Taeka n Rabakau 15:12

Akana a b'ainingareia tabem'aang a rawa ni kaetaki, ao a na bon rawa ni buubuti buokaia mairouia akana a iangoraoi.

Taeka n Rabakau 8:36

Ma ngkana kam aki kuneai, ao kam bon kammarakiko i bon iroum, ao ngkana ko ribaai, ao kam tangira te mate.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Ieremia 20:8

Ko a tia n kariaia b'a n na ti katanoataa te urub'ai ma te mate. Bon akea te b'ai ae e anganai am rongorongo b'a ti taetae n aki akaaka ao taiani kangaanga.

Nakoaia Ibonga 13:10

b'a e na tuoa te aomata anne. Ngkana iai te maneka ae e mainaina i aon kunna are e a manga bita buraen te kun ni kamainainai ao e onrake n te kanakana,

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Ruka 6:26

A na reke kaimi, ngkana a bane aomata ni kamoamoaingkami, b'a a karaoa naba aron aei aia bakatibu nakoia burabeti ni kewe.

Ioane 17:14

I a tia n taekin am taeka nakoia, ao e ribaia te aba, b'a tiaki ana b'ai te aba ngaiia; n ai arou ngkai tiaki ana b'ai te aba Ngai.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

I-Karatia 4:16

I a riki ngkai b'a ami kairiribai ngkai I taekina te koaua nakoimi?

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

1.Ioane 4:5

Boni man te aonnaba ae bubure te koraki arei; ma ngaia ae a taekini b'ain te aonnaba ae bubure, ao a ongo kaaina i rouia.