5 Akea onimakinana naba irouia tarina.
Ngke E taetae Iesu nakoia aomata, ao noria, a tei i tinaniku tinana ma tarina nako, ao a tuatua b'a a kan taetae ma Ngaia.
Ao ana utu Iesu, ngke a ongo, ao a nako b'a a na taua, i bukina ngke a kangai aomata, “E rangirang!”
Ngke a tia n nako tarina nakon te Toa are te Um'anrianna, ao Ngaia E nako naba, ma E karaba n nako n te aro ae akea ae ataia.
A kaangai ngkanne tarin Iesu nakoina, “Kitana ikai ao nako i Iutaia, b'a a aonga n noori m'akuri aika Ko karaoi am reirei.
B'a akea te aomata ae karaba ana m'akuri ni karaoia ngkana iai i nanona te kan ataaki irouia aomata. Ngkai Ko karaoi baikanne, ao kaotiko nakoia aomata nako!”
