Ioane 7:41 - Te B'aib'ara

⁴¹ Ao tem'angina a taku, “Boni Ngaia te Kristo!” Ma a taku ake tem'angina, “B'a E na kaoti te Kristo mai Kariraia?

Ioane 7:41 Iomraidhean Croise

Ioane 1:41

E reke moa i rouna tarina are Timon, ao e taku nakoina, “E a reke iroura te Mesia.” (ae nanona “Kristo.”)

Ioane 1:46

E taku Natanaera nakoina, “E kona ni kaoti te b'ai ae e na kab'aia te aba iai mai Natareta?” E taku Biribo nakoina, “Mai, noria.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 4:25

E taku te aine nakoina, “I ata ae E nangi roko te Mesia (are te Kristo); ao ngkana E roko, ao ane na tuangiira b'aai ni kabane.”

Ioane 4:29

“Nako mai nora te aomata are tuangai b'aai ni kabane ake I a tia ni karaoi. Tao ngaia te Kristo?”

Ioane 4:42

ao a taku nakon te aine arei, “Ai tiaki i bukin am taeka ae ti onimaki iai, b'a ae ti a bon ongo mai Rouna, ao ti a ataia b'a ngaia bon aei te Tia Kamaiua te aba.”

Ioane 6:69

Ti kakoauako ao ti ataiko b'a Teuare Moan te Raoiroi Ngkoe, are Natin te Atua.”

Ioane 7:27

Ma ngaira ti ata te tabo are E nako mai iai Teuaei; ma ngkana E roko te Kristo, ao akea ae e ata te tabo are E nako mai iai.”

Ioane 7:31

Ma a m'aiti i buakoia aomata aika kakoaua Iesu. A taku, “Ngkana E roko te Kristo, ao E na karaoi m'akuri aika kamimii ni kabatiai riki nakon ake E karaoi Teuaei?”

Ioane 7:52

A kaeka ao a taku nakoina, “Te I-Kariraia naba ngkoe? Ko na ukeuke n te B'aib'ara, ao ko na noria iai b'a akea taekan te burabeti ae na kaoti mai Kariraia.”