Ioane 7:39 - Te B'aib'ara

³⁹ E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

Ioane 7:39 Iomraidhean Croise

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Mataio 16:14

Ao ngaiia a kangai, “A taku tem'angina b'a Ioane are te tia B'abetito. Ao tem'angina, b'a Eria; ao tem'angina b'a Ieremia, ke te burabeti riki temanna.”

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Ruka 24:49

Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.”

Ruka 3:16

E kaekaia Ioane ni kangai, “I b'abetitoingkami n te ran; ma ae E na roko Teuae kakannato riki nako iu, ae I aki tau b'a N na kab'arai kabaean ana kauniwae; E na b'abetitoingkami n te Tamnei are Raoiroi ao n te ai.

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ioane 1:21

Ao a manga titirakinna riki ni kaangai, “Ao antai ngkoe ngkanne Eria?” Ao ngaia e taku, “Tiaki.” Ao a manga taku, “Te burabeti ngkoe?”

Ioane 1:25

a titirakina Ioane ni kaangai, “E aera ngkai ko b'ab'abetito ngkai tiaki ngkoe te Kristo, ao tiaki Eria, ao tiaki te burabeti?

Ioane 1:33

I aki kinaa; ma te Atua are kanakomaiai b'a N na b'ab'abetito n te ran E kaangai nako iu, ‘Te aomata ane ko noria b'a E ruonna te Tamnei are Tabu ni mena i rouna, ao boni ngaia ane na b'ab'abetito n te Tamnei are Raoiroi.’

Ioane 12:16

A aki atai nanoni baikai ana reirei ngkekei; ma ngke E neboaki Iesu, ao a uringi baikai b'a taekana aika koreaki n te B'aib'ara, ao b'a a karaoaki naba nakoina.

Ioane 12:23

Ao E kaekaia Iesu ao E taku, “E a roko te aoa are E na neboaki iai Natin te Aomata.

Ioane 14:13

Ao N na karaoa te b'ai ane kam bubuti i bukina n arau, b'a e aonga ni kaotaki mimitongin te Tama iroun te Nati.

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 16:14

Ane E na neboai, b'a E na anai au taeka ao E na taekin nakoimi.

Ioane 16:7

Ma I tuangngkami te koaua: e manena riki i bukimi nakou; b'a ngkana I aki nako, ao E aki roko iroumi te Tia Buobuoki. Ma ngkana I nako, ao N na kanakomaia nakoimi.

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Ioane 17:5

ao ngkai, Tamau, Ko na kamimitongai ike Ko mena iai, n te mimitong are mimitongiu ma Ngkoe, ngke e tuai ni karikaki aonnaba.

Ioane 20:22

Ngke E a tia n atonga aei, ao E ikeike nako aoia, ao E taku nakoia, “Kam na butim'aea te Tamnei are Raoiroi i nanomi.

Ioane 6:14

Ao aomata ngke a nora te b'ai are kamimii are E karaoia Iesu, ao a taku, “Bon aei te burabeti are nangi roko i aonnaba!.”

Ioane 7:12

E bati te maningongoo irouia aomata i bukina. A taku tem'angina, “Te aomata Ngaia ae e raoiroi,” ao tem'angina a taku, “Tiaki; bon te tia burebureia aomata.”

Ioane 8:54

E kaekaia Iesu ao E taku, “Ngkana I neboai, ao akea bonganan neboau. Ae neboai bon Tamau, are kam taku b'a Atuami.

M'akuri 19:2

Ao e taku nakoia, “Kam anganaki te Tamnei are Raoiroi ngke kam moa n onimaki ke kam aki?” Ao ngaiia a taku nakoina, “Ti tuai n ongo taekan te Tamnei are Raoiroi, b'a iai ke akea.”

M'akuri 2:17

“E taku te Atua, Ao ni boong aika kabanea ni boong, N na nurakina Tamneiu i aoia aomata ni kabaneia. A na taetae ni burabeti natimi aika mm'aane ma aine; ao a na noori baika ai aroni kanoani mii ami rorobuaka n ataei, ao a na miakini mii ami unimm'aane.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

M'akuri 4:31

Ngke a tia n tataro ni bubuti, ao e m'aeiei te tabo are a botaki iai; ao a bane ni kaonaki n te Tamnei are Raoiroi, ao a tataekina ana taeka te Atua ma te ninikoria.

I-Rom 8:9

B'a kam aki maiu n aron nanon te rab'ata, ma kam maiu n aron nanon te Tamnei ngkae E maeka i nanomi Tamnein te Atua. Ao ngkana akea Tamneini Kristo iroun te aomata, ao tiaki ana aomata.

2.I-Korinto 3:8

ao tiaki e na kabatiaki riki mimitongin ana m'akuri te Tamnei?

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.