Ioane 7:37 - Te B'aib'ara

³⁷ N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

Ioane 7:37 Iomraidhean Croise

Neemia 8:18

Ni katoa itiua te bong n te Toa, ao e aki toki n wareware Etira man ana Tua te Atua. Ao n te kawani bong, ao a bootaki aomata n taromauri, n aron are e taekinna te Tua b'a a na bon riai ni karaoia.

Taian Areru 143:6

I tabeki rake baiu n tataro nakoim; e kai nanou n tangiram, kanga ai aron te tano ae m'auteretere ni kainanoa te ran.

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taeka n Rabakau 1:20

E takaarua te Wanawana i nanon kawain nuukan te kaawa ike a m'aiti iai aomata.

Taeka n Rabakau 8:1

E weewete te wanawana, ri nanon te ataib'ai ae e rangi ni korakora.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Taeka n Rabakau 8:3

E tei i rarikin mataroan te kaawa ike a rinrin iai aomata nakon te kaawa, ao e takaarua ni kaangai;

Taeka n Rabakau 9:3

E a tia ni kanakoa ana toro te aine b'a e na katanoataa ana kakao man tabuki aika a rietaata:

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 40:6

Temanna ae e takaarua n tuangai, ao I titiraki ni kaangai, Tera ae N na takaaruaia?” Bon ti taian uteute ngaira aika aomata, e aki tei maan maiura riki nakon taian uee aika a riki n aki akaaka

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Etekiera 47:9

A na m'aiti aekakin maan ma ika, i bukina b'a e na uota te maiu ao te ran ae e raoiroi nakon Taari are Mate.

Nakoaia Ibonga 23:36

E na angakarea te aba i aon te baonikarea i nanon itiua te bong. Ao n te kawani bong bon tain naba te motirawa ae e b'anin, ao bon te bongi naba n angakarea i aon te baonikarea, ao n roko ni bootaki n taromauri.

Nakoaia Ibonga 23:39

Uringnga ni moana te Toa ae M'anganikaai mani katebwi ma nimauan bongin te kaitiua n nam'akaina i mwin taian ami uaa. Rungaa te toa aei i nanon itiua te bong ni karineai, ao tai karaoa te m'akuri ni moani bongina, ke n te bong are i mwin te runga.

Mika 6:9

E wanawana ane e maaka te UEA. E wetea te kaawa ni kaangai, “Kam na ongora ngkami aomata aika kam bootaki i nanon te kaawa!

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Warekaia Iteraera 29:35

Kam na manga motirawa riki n te kawanua ni bong, ao kam na bootaki n taromauri.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 3:3

Boni ngaia teuare taekinaki iroun te burabeti are Itaia ngke e kangai, “B'anaan temanna ae takarua n te rereua, ‘Katauraoa kawain te Uea; Kaeti kawaina nako!’ ”

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ioane 1:23

Ao e kaekaia Ioane n ana taeka Itaia are te burabeti, ni kaangai, “Ngai b'anaan temanna ae takarua n te rereua ni kaangai, Kaeta kawain te Uea.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:11

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 5:40

ma kam aki kan nako iu b'a e kaawa n reke iroumi te maiu are aki toki.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 6:55

B'a bon te am'arake ni koaua irikou, ao bon te ninima ni koaua raraau.

Ioane 7:28

Ma ngaia are, ngke E reirei Iesu n te Tembora, ao E kanenea b'anaana ao E taku, “Kam ataai, ao kam ata naba te tabo are I nako mai iai? Ma I aki nako mai n oin nanou. Iai iroun Teuare kanakomaiai, are kam aki ataia, bon te onimakinaki raoi.

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 10:4

ao a bane naba n nima te moi n Tamnei ae ti te arona, are E anganiia te Atua ni m'aakana. B'a a moi man te b'a are e iririia, are te b'aa are mairoun te Atua; ao te b'aa arei boni Kristo.

1.I-Korinto 11:25

Ngke a a tia n am'arake, ao E anaa te m'angko n aron naba are E karaoia nakon te berena, ao E kangai, “Te m'angko aei, te boraraoi ae boou i nanon raraau. Kam na karaoa aei, n taai ake kam moi iai, b'a kanuringau.”

1.I-Korinto 12:13

B'a ti bane ni b'abetitoaki nako nanon te rab'ata ae ti teuana iroun te Tamnei are Raoiroi ae ti temanna, ngaira aika I-Iutaia ma I-Erene, ma tooro ma inaomata; ao a bane n anganaki nanora te Tamnei are Raoiroi ae ti temanna.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.