Ioane 7:28 - Te B'aib'ara

²⁸ Ma ngaia are, ngke E reirei Iesu n te Tembora, ao E kanenea b'anaana ao E taku, “Kam ataai, ao kam ata naba te tabo are I nako mai iai? Ma I aki nako mai n oin nanou. Iai iroun Teuare kanakomaiai, are kam aki ataia, bon te onimakinaki raoi.

Ioane 7:28 Iomraidhean Croise

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Mataio 26:55

Ao n te aoa naba arei, ao E taku Iesu nakoia aomata, “Kam nako mai ma kabaang ma kaai n oro, b'a kam na tauai n aron te tia kam'arua? I katoa bong n tekateka ao n reirei n te um'antabu, ao kam aki tauai.

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 2:39

Ngke a tia ni karaoi b'aai ni kabane ake a kaeti ma taekan ana tua te Uea, ao a oki nako Kariraia, nakon aia kawa are Natareta.

Ruka 2:4

E nako naba Ioteb'a mai Kariraia, man te kawa are Natareta, nako Iutaia nakon ana kawa Tawita are arana Betereem, b'a ngaia kaain ana utu Tawita.

Ruka 2:51

Ao E airi ma ngaiia ao a roko i Natareta, ao E ongeaba nako ia; e tau mwini baikai ni kabane tinana i nanona.

Ioane 1:46

E taku Natanaera nakoina, “E kona ni kaoti te b'ai ae e na kab'aia te aba iai mai Natareta?” E taku Biribo nakoina, “Mai, noria.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 12:49

B'a I aki taetae man oin au iango; ma E tuangai te Tama are kanakomaiai b'a tera ae N na taekinna, ao ae N na atongnga.

Ioane 14:10

Ko aki kakoauaa b'a Ngai i nanon Tamau, ao Tamau i nanou? Baika I atongi nakoimi, I aki atongi man oin nanou; ma E karaoi baika E bairei b'a E na karaoi Tamau ae maeka i nanou.

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

Ioane 17:25

Tamau, ae am b'ai te eti, e aki ataiko te aba, ma I ataiko; ao a ataai uaakai ae Ko kanakomaiai.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

Ioane 5:32

Ma iai Tamau ae kaotioti naba i buku, ao I ataia b'a ana kaotioti e boni koaua.

Ioane 5:43

I nako mai n aran Tamau, ao kam rawa ni kan reitaki ma Ngai; ma ngkana e roko temanna bon i bukina, ao kam kan reitaki ma ngaia.

Ioane 6:42

Ao a taku, “Tiaki Iesu Teuaei, are natin Ioteb'a? Ti kinaa tamana ma tinana. E na kanga ngkanne ni kaangai, I ruo mai karawa?”

Ioane 7:14

Ngke tao e a bo nukan tain te Toa, ao E nako n te Tembora Iesu, ao E reirei iai.

Ioane 8:14

E kaekaia Iesu ao E taku, “Ao ngkana I kaotiota arou i bon irou, ao bon iai naba koauan au taeka: b'a I ata ike I nako mai iai, ao I ata ike N na nako iai; ma ngkami kam aki ata ike I nako mai iai, ao ike N na nako iai.

Ioane 8:16

Ma ngke arona b'a I motika taekan te aomata, ao e bon eti au moti, b'a tiaki ti Ngai ni katia au moti; bon raou te Tama are kanakomaiai.

Ioane 8:19

A taku ngkanne nakoina, “E nga Tamam?” E kaekaia Iesu ao E taku, “Kam aki ataai ao kam aki ata naba Tamau.”

Ioane 8:26

A bati baika I kona n taekin b'a taekami, ao baika I kona ni kaoti b'a aromi aika bubuaka. E taekina te koaua Teuare kanakomaiai, ao are I taekinna nakoia aomata i aonnaba bon ti are I a tia n ongo mai Rouna.”

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

Ioane 9:29

Ti ataia b'a E taetae te Atua nakoni Mote; ma Teuanne, ti aki ataia b'a E nako maia.”

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

2.I-Korinto 1:18

Ma ngkae E kakaonimaki te Atua, ao ara taeka nako imi bon tiaki “Eng” ao “Tiaki”, n te tai ae ti teuana.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.