Ioane 7:17 - Te B'aib'ara

¹⁷ Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

Ioane 7:17 Iomraidhean Croise

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taeka n Rabakau 28:5

A aki ataa te babaaire ae eti aomata aika taani bure, ma a atai raoi aomata aika a karinea te UEA.

Taeka n Rabakau 3:32

E aki tangiriia aomata te UEA aika a karaoa ae e buakaka, ma e karikiia aomata aika raoiroi b'a raaraona.

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 6:22

Te mata ai aron te taura i bukin te rab'ata. Ma ngaia are ngkana e raoiroi matam, ao e na buta rab'atam ni kabanea n te oota;

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 3:21

Ma ane b'aina te koaua ao e nako n te oota, b'a a na kaotaki ana m'akuri b'a a karaoaki ma te ongeaba nakon te Atua.

Ioane 8:43

E aera ngkai kam aki ata nanon te bae I taekinna? Aio bukina, b'a kam rawa ni kan ongo au taeka n reirei.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.