Ioane 7:16 - Te B'aib'ara

¹⁶ Ma ngaia are, E taku Iesu nakoia, “Tiaki au b'ai au reirei, ma ana b'ai Teuare kanakomaiai.

Ioane 7:16 Iomraidhean Croise

Ioane 14:10

Ko aki kakoauaa b'a Ngai i nanon Tamau, ao Tamau i nanou? Baika I atongi nakoimi, I aki atongi man oin nanou; ma E karaoi baika E bairei b'a E na karaoi Tamau ae maeka i nanou.

Ioane 14:24

Ane aki tangirai, ao e aki ongeaba nakon au taeka; ao te taeka are kam ongo bon tiaki au taeka, ma bon ana taeka Tamau are kanakomaiai.

Ioane 17:14

I a tia n taekin am taeka nakoia, ao e ribaia te aba, b'a tiaki ana b'ai te aba ngaiia; n ai arou ngkai tiaki ana b'ai te aba Ngai.

Ioane 17:8

b'a I a tia n tuangiia taeka ni kabane ake Ko tuangai, ao a kaaki i nanoia, ao a ataia b'a ngaia e koaua ae I nako mai mai Roum; ao a kakoaua ae Ko kanakomaiai.

Ioane 3:11

Bon te koaua ni koaua ae I a tuangko: b'a ti taekina ae ti ataia, ao ti kaota ae ti noria; ao kam aki kaaki i nanomi ara rongorongo.

Ioane 3:31

Teuare nako mai karawa E kakannato riki nakoia aomata ni kabaneia. Ane nako mai aon te aba, ao boni kaain aon te aba, ao e taekini b'ain aon te aba; ma Teuare nako mai karawa e kakannato riki nakoia aomata ni kabaneia.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 6:44

Akea ae kona n riki b'a au reirei ngkana e aki kairaki nako iu iroun te Tama are kanakomaiai; ao N na manga kamaiua n te kabanea ni bong.

Ioane 8:28

Ma ngaia are, E taku Iesu nakoia, “Ngkana kam a tia n tabeka rake Natin te Aomata ni katinea i aon te kaibangaki, ao kam a ataia iai b'a boni Ngaia Ngai, ao akea te b'ai ae I karaoia n oin nanou; ma I atongi baikai n ai aron reireiau iroun te Tama.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,