Ioane 7:15 - Te B'aib'ara

¹⁵ A mimi i rouna I-Iutaia, ao a taku, “E kanga n reke rabakaun te aomata aei, ao E aki rereireiaki?”

Ioane 7:15 Iomraidhean Croise

Itaia 29:12

A taku tabeman, “Ti aki konaa ni warekia b'a ti babanga ni wareware.”

Mataio 13:54

Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?

Mataio 22:22

Ngke a ongo, ao a mimi; ao a kitanna ao a nako.

Mataio 22:33

Ao ngke a ongo aomata aika bati, ao a mimi n ana reirei.

Ruka 2:47

E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ioane 1:19

Ao aikai ana taeka Ioane nakoia ibonga ma taian Rewi ake a kanakoaki nakoina irouia I-Iutaia mai Ierutarem, b'a a na titirakinna ni kaangai, “Antai ngkoe?”

Ioane 7:11

A ukoukoria I-Iutaia n te Toa, ao a taku, “E nga Teuarei?”

Ioane 7:13

Ma akea ae kanenea b'anaana n taekinna irouia aomata, b'a a makuia I-Iutaia.

Ioane 7:46

A kaekaia bureitiman ao a taku, “Akea ma ngkoa ae aron Teuaei ngkana E taetae!”

M'akuri 26:24

Ngke e taetae B'auro ni kaitarai taekani bukinana n te aro arei, ao e takarua Beteto ao e taku, “B'auro, ko rangirang! E karangirangko mwin am wareware ni booki aika bati.”

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

1.Tamuera 10:11

Ao aomata ake a boni ngae n nonora Tauro a nooria ngke e a taetae ni burabeti ma ni karaoi aroia burabeti. Ao a taetae bon i marenaia ni kaangai, “Tera ae riki? E na kanga n riki Tauro b'a te burabeti?”