Ioane 6:9 - Te B'aib'ara

⁹ “Iai te teinimm'aane ikai ae iai i rouna nimaai te kariki are karaoaki mani burawan te b'are, ao uoman te ika; ma tera manenaia nakoia aomata aikai ni kabaneia?”

Ioane 6:9 Iomraidhean Croise

1.Uea 4:28

ai uana naba ma te b'aare ma uteute i bukin kanaia aoti.

2.Uea 7:1

Ao e kaeka Eritai ao e taku, “Iai te rongorongo nakoim. E berita te UEA b'a ane ko na konaa ni kabooa te baeki ni buraawa ae e buubura ke uoua taiani baeki ni b'aare naba aika a buubura nakon te ingabong i aon Taamaria ikai n te boo ae moan te uarereke.”

Taian Areru 147:14

E kawakin tiam b'a a na aki anaaki, ao E kanuaiko n te am'arake ae moan te raoiroi.

Taian Areru 78:19

A taetae n eekaanako te Atua ao a kaangai, “E kona n reke te am'arake iroun te Atua n te rereua?

Taian Areru 78:41

A okioki aia m'akuri ni kataa te Atua, Ao a kamaraka te Atua ae Tabu ae Atuaia Iteraera.

Taian Areru 81:16

Ma N na kaam'arakeingkami n te uita ae moan te raoiroi; Ao N na kanuaingkami n aia karewe manibeeru.”

Etekiera 27:17

E anganiko Iuta ma Iteraera aia kabanea n raoiroi n uita, ao kabanean raoiroin aia biiku, ana karewe te manibeeru, b'aan te oriwa, ao kaboiararaan te am'arake b'a boon am b'ai ni kaboob'ai.

Mataio 14:17

A taku nako Ina, “Ti nimaai te kariki aika iai i roura ikai, ao uoman te ika.”

Mataio 16:9

Kam tuai n oota? Kam aki uringi kariki ake nimaai ake a kang aomata ake 5,000 ao m'aitini b'aene ake kam ikoti iai?

Mareko 6:38

E taku nako ia, “Iraua te kariki i roumi? Naako, nori.” Ao ngke a ataia, ao a kangai, “Nimaai te kariki, ao iai naba uoman te ika.”

Mareko 8:19

Kam aki uringa te tai are I urui iai kariki ake nimaai i bukiia aomata ake nimangaa? Irakora b'aene ake a on n nikira ake kam anai?” A kaekaa ao a taku, “Tengauni ma uakora.”

Ruka 9:13

Ao Ngaia, E taku nako ia, “Kam na anganiia kanaia b'a a na am'arake.” A kaeka ao a taku, “Ae iai i roura e aki raka i aon ae ti nimaai te kariki ao uoman te ika, ma e na tau ti ngkana ti nako ni kabo am'arake i bukiia aomata aikai.”

Ioane 11:21

E taku ngkanne Mareta nakon Iesu, “Te Uea, ngke arona b'a Ko mena ikai, ao e na bon aki mate m'aneu.

Ioane 11:32

Ao Nei Maria ngkanne, ngke e roko n te tabo are E mena iai Iesu, ao ngke e noria, ao e b'aka ni bobaraaki i rarikini waen Iesu, ao e taku nakoina, “Te Uea, ngke arona b'a Ko mena ikai, ao e na bon aki mate m'aneu.”

Ioane 21:10

E taku Iesu nakoia, “Uoti mai ika mani konami ake a tib'a reke.”

Ioane 21:13

E nako Iesu n anaa te kariki, ao E anganiia; ao ai arona naba nakon te ika.

Ioane 21:9

Ngke a aerake ngkanne i eta, ao a nora iai te ai ae aiana te marara ma te ika ae tinimaki iai, ao te kariki.

Ioane 6:11

E anai kariki akekei Iesu, ao E tataro ni katituaraoi, ao E anga b'a a na tib'aki nakoia ake a tekateka. E karaoa naba ae aron aei nakon ika, ao a bane n reke tib'aia n ai aroni m'aitin are a tangiria.

Ioane 6:7

E kaeka Biribo ao e taku, “E aki tau uabubua te tenari b'a e na kaboaki iai te am'arake ngkai e na rangi n uarereke ae na reke iai b'a kanan temanna ma temanna?”

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

Te Tua-Kaua 32:14

A karekei taian miriki ma taiani b'ata ami nanai ni kao ao ami nanai n tiibu, ao kam rinerinea kanami te iriko maiu ao a reke kanami iriko aika rangi n raraoi mairouia ami tiibu ma ami kooti ake a am'am'arake n uteuten Batian. Te naani kabanea n tamaroa ami uita ao kam mooi n te wain ae te kabanea n raoiroi.

Te Tua-Kaua 8:8

Kam kona ni ken taiani kaab'a n taian tabuki aikai, ao atiibuna bon taiani biti. Kam aki kona ni baki iai b'a a m'aiti iai taiani uita, b'aare, ao taiani katawanang, ao ai uana naba ma taiani kureebe, ao oriwa aika rawata uaaia, bamkuranete, ao taiani kainam'arake, ao a m'aiti naba ikekei aia karewe te manibeeru.

Te Kaotioti 6:6

Ao I ongo te bae kanga ai aron te b'anaa mai buakoia baike a maiu ake aman b'a e kaangai, “Boon uoua te rawawata n uita teuana te tenari, ao onoua te rawawata ni b'are teuana te tenari; ao ko na tai b'ainikirina te b'a ma te wain!”